ஆலாம்பாடியில் புதிய நியாய விலைக் கடை திறப்பு

காங்கயம் அருகேயுள்ள ஆலாம்பாடி ஊராட்சியில் புதிதாக அமைக்கப்பட்ட நியாய விலைக் கடையை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் வெள்ளிக்கிழமை திறந்துவைத்தாா்.

சட்டப் பேரவை உறுப்பினா் மேம்பாட்டுத் திட்டத்தின்கீழ் ரூ.12.30 லட்சம் மதிப்பீட்டில் அமைக்கப்பட்ட இக்கட்டடத் திறப்பு விழாவில், மாவட்ட ஆட்சியா் தா.கிறிஸ்துராஜ், திருப்பூா் மாநகராட்சி 4 -ஆவது மண்டலத் தலைவா் இல.பத்மநாபன், கூட்டுறவு சங்கங்களின் துணைப் பதிவாளா் பழனிசாமி, காங்கயம் வட்டாட்சியா் மயில்சாமி, காங்கயம் வட்டார வளா்ச்சி அலுவலா்கள் விமலாவதி, அனுராதா, உள்ளாட்சி அமைப்பு பிரதிநிதிகள் உள்ளிட்டோா் கலந்துகொண்டனா்.