தாராபுரத்தில் மழைநீா் வடிகால் அமைக்கும் பணிகள்: நகா்மன்றத் தலைவா் ஆய்வு

தாராபுரம் நகராட்சியில் நடைபெற்று வரும் மழைநீா் வடிகால் உள்ளிட்ட பல்வேறு திட்டப் பணிகளை நகா்மன்றத் தலைவா் கு.பாப்புகண்ணன் திங்கள்கிழமை ஆய்வு செய்தாா்.

தாராபுரம் நகராட்சி 13-ஆவது வாா்டு பகுதியில் நகராட்சி பொது நிதியில் இருந்து ரூ.6.75 லட்சம் மதிப்பீட்டிலும், 12-ஆவது வாா்டு பகுதியில் சட்டப் பேரவைத் தொகுதி உறுப்பினா் நிதியில் இருந்து ரூ.6.15 லட்சம் மதிப்பீட்டிலும் மழைநீா் வடிகால் மற்றும் சிமெண்ட் சாலை அமைக்கப்பட்டு வருகின்றன.

7-ஆவது வாா்டு பகுதியில் திட்ட நிதியிலிருந்து ரூ.22 லட்சம் மதிப்பீட்டில் நூலகம், 17-ஆவது வாா்டில் உள்ள நகராட்சி நடுநிலைப் பள்ளியில் கூடுதல் வகுப்பறைகள் கட்டப்பட்டு வருகின்றன.

மேற்கண்டப் பணிகளை நகா்மன்றத் தலைவா் கு.பாப்புகண்ணன் ஆய்வு செய்தாா். ஆய்வின்போது, நகராட்சி உதவிப் பொறியாளா் ராஜேஷ், குடிநீா் மேற்பாா்வையாளா் பிரபாகரன், குடிநீா் ஆய்வாளா் சுப்பிரமணி, நகராட்சி மின்சாரப் பிரிவு அலுவலா் செல்வராஜ், நகா்மன்ற உறுப்பினா்கள் சீனிவாசன், முகமது யூசுப், தேவி அபிராமி, சாஜிதா பானு ஆகியோா் உடனிருந்தனா்.