பண விவகாரத்தில் ஒரே குடும்பத்தைச் சோ்ந்த 3 போ் தற்கொலை

திருப்பூரில் ரூ.5 லட்சம் கடன் வாங்கியவா் தற்கொலை செய்து கொண்டதால் மனமுடைந்த தம்பதி 5 வயது மகளுடன் விஷம் குடித்து தற்கொலை செய்து கொண்டனா்.

திருப்பூா், அணைக்காடு எம்.ஜி.ஆா்.நகரில் உள்ள அடுக்குமாடி குடியிருப்பு முதல் தளத்தில் ஒரு வீட்டில் இருந்து செவ்வாய்க்கிழமை துா்நாற்றம் வீசியுள்ளது. இதுகுறித்து அக்கம்பக்கத்தினா் திருப்பூா் வடக்கு காவல் நிலையத்துக்கு தகவல் தெரிவித்துள்ளனா். சம்பவ இடத்துக்கு வந்த காவல் துறையினா் உள்புறமாக பூட்டப்பட்டிருந்த வீட்டின் கதவை உடைத்து உள்ளே சென்றனா்.

அப்போது வீட்டின் உள்ளே ஒரு ஆண், ஒரு பெண் மற்றும் அவா்களது 5 வயது மகள் ஆகியோரின் உடல்கள் அழுகிய நிலையில் கிடந்தது தெரியவந்தது. இதையடுத்து, 3 பேரின் சடலங்களையும் மீட்டு உடற்கூறாய்வுக்காக திருப்பூா் அரசு மருத்துவக் கல்லூரி மருத்துவமனைக்கு அனுப்பிவைத்தனா்.

விசாரணையில், உயிரிழந்து கிடந்தது விருதுநகா் மாவட்டம், ராஜபாளையத்தைச் சோ்ந்த நாகசுரேஷ் (35), அவரது மனைவி விஜி (29), அவா்களது மகள் முத்தீஸ்வரி (5) என்பதும், இறந்து 4 நாள்கள் ஆனதும் தெரியவந்தது . நாகசுரேஷ் தனது குடும்பத்துடன் கடந்த ஓா் ஆண்டாக திருப்பூா் அணைக்காடு எம்.ஜி.ஆா். நகரில் உள்ள ஒரு வீட்டில் வாடகைக்கு வசித்து வந்ததுடன், அதே பகுதியில் சொந்தமாக தேநீா்க் கடை நடத்தி வந்துள்ளாா்.

தனது உறவினரான பின்னலாடை நிறுவனம் நடத்தி வந்த சூரியமூா்த்தி என்பவருக்கு, நாகசுரேஷ் கடந்த சில மாதங்களுக்கு முன்பாக ரூ.5 லட்சம் கடனாகக் கொடுத்துள்ளாா். கடன் வாங்கிய சூரியமூா்த்தி அண்மையில் தற்கொலை செய்து கொண்டதால், நாகசுரேஷ் மன உளைச்சலில் இருந்துள்ளதாகத் தெரிகிறது. இதன் காரணமாக தனது மனைவி, மகளுடன் விஷம் அருந்தி தற்கொலை செய்து கொண்டது தெரியவந்தது.

மேலும், வீட்டில் நடத்திய சோதனையில் நாகசுரேஷ் எழுதிய கடிதம் கிடைத்தது. அதில், தனக்கு வாழப்பிடிக்கவில்லை என்றும், தங்களது நகைகளை விற்று இறுதிச் சடங்கை நடத்திக் கொள்ளுங்கள் என்றும் குறிப்பிடப்பட்டிருந்தது.

இது குறித்து திருப்பூா் வடக்கு காவல் துறையினா் தற்கொலை வழக்குப் பதிவு செய்துள்ளனா். மேலும், பண விவகாரத்தால் தற்கொலை செய்து கொண்டனரா அல்லது வேறு ஏதேனும் காரணமா என்பது குறித்தும் போலீஸாா் விசாரித்து வருகின்றனா்.