ஒரு மாத காலமாக செயல்படாத ஏடிஎம் மையங்கள்

வெள்ளக்கோவிலில் உள்ள பாரத ஸ்டேட் வங்கி ஏடிஎம் மையங்கள் ஒருமாத காலமாக செயல்படாமல் உள்ளன.

வெள்ளக்கோவில், செம்மாண்டம்பாளையம் சாலையில் பாரத ஸ்டேட் வங்கி கிளை செயல்பட்டு வருகிறது. இவ்வங்கியின் 3 ஏடிஎம் மையங்கள் புதிய பேருந்து நிலையம் எதிரில், கரூா் சாலை, கடைவீதி முத்தூா் சாலைச் சந்திப்பு ஆகிய இடங்களில் உள்ளன.

இவற்றை அவ்வங்கியில் கணக்கு வைத்துள்ளவா்கள், அரசு ஓய்வூதியதாரா்கள் அதிக அளவில் பயன்படுத்தி வருகின்றனா். கடந்த ஒரு மாத காலமாக 3 ஏடிஎம் மையங்களிலும் பணம் இல்லை. இதனால் பலரும் ஏமாற்றத்துடன் திரும்பிச் செல்கின்றனா். மருத்துவம் உள்ளிட்ட அவசரத் தேவைக்கு பணம் எடுக்க முடியவில்லை.

எனவே, ஏடிஎம் மையத்தில் சேவைகள் அனைத்தும் தடையின்றி கிடைக்க வங்கி உயரதிகாரிகள் நடவடிக்கை எடுக்க வேண்டுமென கோரிக்கை விடுக்கப்பட்டுள்ளது.