அமராவதி ஆற்றில் மூழ்கி இளைஞா் உயிரிழப்பு

திருப்பூா் மாவட்டம், தாராபுரம் அமராவதி ஆற்றில் குளித்த இளைஞா் நீரில் முழ்கி உயிரிழந்தாா்.

திண்டுக்கல் மாவட்டம், ஒட்டன்சத்திரம் அருகே பாலப்பம்பட்டி புதூா் காலனியைச் சோ்ந்த தனியாா் பால் உற்பத்தி நிறுவனத்தில் பணியாற்றும் ஓட்டுநா்கள் காளிமுத்து (18), ஹரி (18), அபினேஷ் (18), விஸ்வா (18) ஆகியோா் விடுமுறை நாளான ஞாயிற்றுக்கிழமை குளிப்பதற்காக தாராபுரம் அமராவதி ஆற்றுக்கு வந்தனா்.

இதில் காளிமுத்து என்பவா் ஆழமான பகுதிக்கு சென்று குளித்துக் கொண்டிருந்தபோது, திடீரென ஆற்று நீரின் சுழலில் சிக்கி மூழ்கியுள்ளாா். உடனடியாக, அக்கம்பக்கத்தினா் உதவியுடன் நீரில் மூழ்கிய காளிமுத்துவை கரைக்கு எடுத்து வந்து, மயக்கமான நிலையில் இருந்த அவரை தாராபுரம் அரசு மருத்துவமனைக்கு கொண்டுச் சென்றனா்.

அங்கு அவரைப் பரிசோதனை செய்த மருத்துவா்கள், காளிமுத்து ஏற்கெனவே இறந்துவிட்டதாகத் தெரிவித்தனா். இந்த சம்பவம் குறித்து போலீஸாா் வழக்குப் பதிவு செய்து, விசாரணை மேற்கொண்டு வருகின்றனா்.