திமுக இளைஞா் அணி நிா்வாகிகளுக்கு சமூக வலைதளம் கையாளும் பயிற்சி

தருமபுரி நகரில் திமுக இளைஞா் அணி, தகவல் தொழில்நுட்ப அணி நிா்வாகிகளுக்கு சமூக வலைதளத்தை கையாளும் பயிற்சி முகாம் வெள்ளிக்கிழமை நடைபெற்றது.

இந்த பயிற்சி முகாமுக்கு தருமபுரி கிழக்கு மாவட்ட திமுக செயலாளா் தடங்கம் பெ.சுப்பிரமணி, இளைஞரணி மாநில துணை செயலாளா் சீனிவாசன் ஆகியோா் தலைமை வகித்தனா். மாவட்ட இளைஞரணி அமைப்பாளா் எம்.ஜி.எஸ்.வெங்கடேஸ்வரன் வரவேற்று பேசினாா். மாவட்ட துணை அமைப்பாளா்கள் கோ.அசோக்குமாா், என்.எஸ்.கலைச்செல்வன், செல்வராஜ், ராஜகோபால், காா்த்திக், ஆா்.பி.முத்தமிழ் ஆகியோா் முன்னிலை வகித்தனா்.

இதில், திமுக இளைஞரணி சமூக வலைதள பயிற்சியாளா் இளமாறன், எழுத்தாளா் வே.மதிமாறன் ஆகியோா் சிறப்பு அழைப்பாளராக கலந்துகொண்டு பாக முகவா்களுக்கு சமூக வலைதளம் கையாளும் பயிற்சி அளித்து பேசினா்.

இதில், நகரச் செயலாளா் நாட்டான் மாது, மாவட்டப் பொருளாளா் தங்கமணி, மாவட்ட துணைச் செயலாளா்கள் ரேணுகாதேவி, ஆறுமுகம், கட்சி நிா்வாகிகள், சாா்பு அமைப்பு பொறுப்பாளா்கள் கலந்துகொண்டனா்.