தனியார் பேருந்து தீப்பிடித்து சேதம்

அரூர் அருகே சாலையில் சென்று கொண்டிருந்த தனியார் பேருந்து தீப்பிடித்து சேதம் அடைந்தது.
 அரூர் வழியாக சேலம்-திருப்பத்தூர் செல்லும் ஒரு தனியார் பேருந்து புதன்கிழமை மாலை 5 மணியளவில் திருப்பத்தூரிலிருந்து அரூர் நோக்கிச் சென்று கொண்டிருந்தது. எச்.ஈச்சம்பாடி எனுமிடத்தில் வரும்போது பேருந்தின் அடிப்பகுதியில் திடீரென தீப்பற்றி புகையுடன் எரிந்தது. இதை அறிந்த பேருந்து ஓட்டுநர் பேருந்தை நிறுத்தினார். பயணிகள் அனைவரும் பாதுகாப்பாக மீட்கப்பட்டனர். இதுகுறித்து அரூர் போலீஸார் வழக்குப் பதிந்துள்ளனர்.