மரங்களைக் கடத்தியதாக 3 பேர் கைது

சித்தேரியில் மரங்கள் வெட்டி கடத்தியதாக மூன்று பேரை வனத்துறையினர் புதன்கிழமை கைது செய்தனர்.
 சித்தேரி ஊராட்சி, பேரேரி புதூர் வனப்பகுதியில் அரூர் வனச்சரகர் ஜி.தங்கராஜ் தலைமையில் வனத் துறையினர் ரோந்துப் பணியில் ஈடுபட்டனர். அப்போது, வனப்பகுதியில் 3 பேர் பல வகை மரங்களை வெட்டி கடத்திச் செல்வது தெரியவந்தது.
 அவர்களைப் பிடித்து விசாரித்ததில் அவர்கள் பேரேரிபுதூர் கிராமத்தைச் சேர்ந்த கோவிந்தன் (55), ராமர் (35), அண்ணாமலை (55) என்பது தெரியவந்தது. மூன்றுபேரையும் வனத்துறையினர் கைது செய்தனர்.