கம்பைநல்லூர்சிவசுப்பிரமணிய சுவாமி கோயில் தேரோட்டம்

 பங்குனி உத்திரத்தையொட்டி,  கம்பைநல்லூர் அருள்மிகு சிவசுப்பிரமணிய சுவாமி திருக்கோயிலில் சனிக்கிழமை தேரோட்டம் நடைபெற்றது.


 பங்குனி உத்திரத்தையொட்டி,  கம்பைநல்லூர் அருள்மிகு சிவசுப்பிரமணிய சுவாமி திருக்கோயிலில் சனிக்கிழமை தேரோட்டம் நடைபெற்றது.
கம்பைநல்லூரில் பழமை வாய்ந்த அருள்மிகு சிவசுப்பிரமணியர் திருக்கோயிலில் பங்குனி உத்திர தேரோட்ட விழா கடந்த மார்ச் 16-ஆம் தேதி தொடங்கியது. இதையடுத்து, மார்ச் 17-ஆம் தேதி திருவிழா கொடியேற்றப்பட்டது.  மார்ச் 18 முதல் 21-ஆம் தேதி வரை, பல்வேறு வாகன உத்ஸவம் மற்றும் திருக்கல்யாண சேவை நடைபெற்றது. 
மேலும், மார்ச் 22-ஆம் தேதி காலை 9 மணிக்கு விநாயகர் ரத உத்ஸவம் நடைபெற்றது. இதில், விழாவின் முக்கிய நிகழ்வான அருள்மிகு சிவசுப்பிரமணி சுவாமி திருத்தேரோட்ட விழா சனிக்கிழமை காலை 10.30 மணிக்கு தொடங்கியது. இதில், முக்கிய வீதிகள் வழியாக சென்று மீண்டும் திருக்கோயிலை திருத்தேர் வந்தடைந்தது. 
இதேபோல, இரவு 7 மணிக்கு மின் விளக்குகளால் அலங்கரிக்கப்பட்ட வாகனத்தில் வள்ளி, தெய்வானையுடன் சுப்பிரமணிய சுவாமி வாகன வீதி உலா நடைபெற்றது. 
விழாக் குழுவின் சார்பில் அன்னதானம் வழங்கப்பட்டது. இத்திருவிழாவில் மார்ச் 24-ஆம் தேதி வேடர்பறி உத்ஸவம், மார்ச் 25-ஆம் தேதி விழா கொடியிறக்குதல் மற்றும் மார்ச் 27-ஆம் தேதி வசந்த உத்ஸவ சேவையுடன் நிறைவடைகிறது.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com