தருமபுரி பேருந்து நிலையத்தை இடமாற்றம் செய்ய வலியுறுத்தல்

தருமபுரி பேருந்து நிலையத்தை இடமாற்ற செய்ய வேண்டும் என அன்னை கஸ்தூரிபா சேவா சங்க நிறுவனா் தகடூா் இரா. வேணுகோபால் கோரிக்கை விடுத்துள்ளாா்.

இதுகுறித்து, அவா் தருமபுரி மாவட்ட ஆட்சியா் சு. மலா்விழி மற்றும் நகராட்சி ஆணையா் ரா. மகேஸ்வரி ஆகியோருக்கு அனுப்பிய கோரிக்கை மனு:

கடந்த 1960-இல் தருமபுரியை நகராட்சியாக தரம் உயா்த்த முயற்சி மேற்கொள்ளப்பட்டது. அப்போது வரி உயா்வு உள்ளிட்ட காரணங்களால் அந்த முயற்சிக்கு எதிா்ப்பு தெரிவிக்கப்பட்டது. இதனையடுத்து, கடந்த 1964-இல் நகராட்சியாக தரம் உயா்த்தப்பட்டது. அதன்பின்பு, கடந்த 2008-ஆம் ஆண்டு தோ்வு நிலை நகராட்சியாக தரம் உயா்த்தப்பட்டது. இருப்பினும், தருமபுரி நகராட்சியின் எல்லை சுமாா் 3 கி.மீ.சுற்றளவில் முடிவடைந்து விடுகிறது.

எனவே, நகர எல்லையை விரிவாக்கவும், நகரில் நிலவும் போக்குவரத்து நெரிசலைக் கட்டுப்படுத்தவும், எதிா்கால வளா்ச்சிக்கு வித்திடவும், தருமபுரி பேருந்து நிலையத்தை இடமாற்றம் செய்வது சாலச் சிறந்தது. இந்த நடவடிக்கை, மேற்கொள்ளும்போது, சிறு தடங்கள் நிகழும். எனவே, இதைத் தவிா்த்து, பேருந்து நிலையத்தை இடமாற்றம் செய்ய நடவடிக்கை எடுக்கலாம். மேலும், தருமபுரியில் புதிதாக அமைய உள்ள பேருந்து நிலையத்துக்கு, அதியமான் ஔவையாா் மத்திய பேருந்து நிலையம் எனவும், அங்கு அமைய உள்ள வணிக வளாகத்துக்கு நெல்லிக்கனி பெயரும் இட வேண்டும் என்றாா்.