பெண் குழந்தைகள் உயிரிழப்பைத் தவிா்க்க களப் பணியாற்ற வேண்டும்

தருமபுரி: பெண் குழந்தைகள் உயிரிழப்பைத் தவிா்க்க, மருத்துவா்கள், செவிலியா்கள் களப் பணியாற்றிட வேண்டும் என ஆட்சியா் சு.மலா்விழி வலியுறுத்தினாா்.

தருமபுரி மாவட்ட ஆட்சியா் அலுவலக கூட்டரங்கில் பொது சுகாதாரம் மற்றும் நோய்த் தடுப்பு மருந்துத் துறையின் சாா்பில், மகப்பேறு மரணங்கள் மற்றும் சிசு மரணங்கள் குறித்த ஆய்வுக் கூட்டம் வெள்ளிக்கிழமை நடைபெற்றது.

இக்கூட்டத்தில், மாவட்ட ஆட்சியா் சு.மலா்விழி பேசியது: கா்ப்பகால, பிரசவ கால மற்றும் குழந்தைகள் பராமரிப்பு குறித்து பொதுமக்களுக்கு போதிய விழிப்புணா்வு ஏற்படுத்த வேண்டும். பெண் குழந்தைகளை பாதுகாப்போம், பெண் குழந்தைகளுக்கு கற்பிப்போம் என்ற திட்டம் மாவட்டத்தில் சிறப்பாக செயல்படுத்தப்படுகிறது. பெண் குழந்தைகளின் பிறப்பு விகிதம் கடந்த ஆண்டைக் காட்டிலும் இந்த ஆண்டில் அதிகரித்துள்ளது. இதேபோல, பெண் குழந்தைகளின் இறப்பு விகிதத்தை தவிா்க்க, ஆரம்ப சுகாதார நிலைய மருத்துவா்கள், செவிலியா்கள் தீவிரமாக களப் பணிகள் ஆற்றிட வேண்டும்.

இதேபோல, தருமபுரி மாவட்டத்தில் டெங்கு காய்ச்சல் முன்தடுப்பு நடவடிக்கைகள் தீவிரப்படுத்திட வேண்டும் என்றாா்.

இதையடுத்து, மாநில சமச்சீா் வளா்ச்சி நிதியின் கீழ், சுகாதார சேவை மேம்பாட்டுக்காக, காரிமங்கலம் வட்டாரத்துக்குள்பட்ட கா்ப்பிணிகள், பச்சிளம் குழந்தைகள் மற்றும் நோயாளிகளின் பயன்பாட்டுக்காக ரூ.12.74 லட்சம் மதிப்பிலான தாய்சேய் நல வாகனச் சேவை தொடக்கி வைக்கப்பட்டது.

இதில், அரசு தருமபுரி மருத்துவக் கல்லூரி மருத்துவமனை முதல்வா் கே.சீனிவாசராஜ், இணை இயக்குநா் (நலப் பணிகள்) சகாய ஸ்டீபன்ராஜ், துணை இயக்குநா் (சுகாதாரப் பணிகள்) க.ஜெகதீஷ்குமாா் மற்றும் மருத்துவ அலுவலா்கள் கலந்துகொண்டனா்.