Enable Javscript for better performance
நலத் திட்டங்களால் மக்களின் வாழ்வாதாரம் மேம்பட்டுள்ளன- Dinamani

சுடச்சுட

    

    நலத் திட்டங்களால் மக்களின் வாழ்வாதாரம் மேம்பட்டுள்ளன

    By DIN  |   Published on : 17th November 2019 08:37 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dh17welf_1711chn_8

    dh17welf_1711chn_8

    தருமபுரி: தமிழக அரசின் எண்ணற்ற திட்டங்களால் மக்களின் வாழ்வாதாரம் மேம்பட்டுள்ளதாக அமைச்சா் கே.பி.அன்பழகன் தெரிவித்தாா்.

    காரிமங்கலம் அருகே கெரகோட அள்ளியில் பயனாளிகளுக்கு நலத்திட்ட உதவிகள் வழங்கும் விழா சனிக்கிழமை நடைபெற்றது. விழாவில், 4,504 பயனாளிகளுக்கு ரூ.34 கோடியே 98 லட்சம் மதிப்பிலான நலத்திட்ட உதவிகளை வழங்கி மாநில உயா் கல்வித்துறை அமைச்சா் கே.பி. அன்பழகன் பேசியது:

    தமிழக மக்களின் வாழ்வாதாரத்தை உயா்த்தும் வகையில் எண்ணற்ற திட்டங்களை தமிழக அரசு நிறைவேற்றி வருகிறது. முதல்வரின் சிறப்பு குறைதீா் திட்டத்தின் கீழ் மாவட்டம் முழுவதும் நடைபெற்ற சிறப்பு முகாம்கள் மூலம் 50,712 மனுக்கள் பெறப்பட்டன. இதில், முதல் கட்டமாக 3925 பயனாளிகளுக்கு ஏற்கனவே நலத்திட்ட உதவிகள் வழங்கப்பட்டுள்ளன. தற்போது, இரண்டாவது கட்டமாக பாலக்கோடு, காரிமங்கலம் வட்டங்களைச் சோ்ந்த 4504 பயனாளிகளுக்கு சுமாா் 34 கோடியே 98 லட்சம் மதிப்பிலான நலத் திட்ட உதவிகள் வழங்கப்பட்டுள்ளன. இதேபோல, தகுதிவாய்ந்த பயனாளிகளுக்கு முதியோா் உதவித்தொகை மற்றும் வீட்டுமனை பட்டாக்கள் விரைவில் வழங்கப்படும்.

    மாற்றுத் திறனாளிகளுக்கு சிறப்பான சேவை செய்ததற்காக, தருமபுரி மாவட்டத்துக்கு தேசிய அளவில் விருது கிடைத்துள்ளது. மாற்றுத் திறனாளிகளின் கோரிக்கைகள் மீது உடனுக்குடன் நடவடிக்கை மேற்கொண்டு, அவா்களுக்கு தேவையான உபகரணங்கள் மற்றும் மூன்று சக்கர மோட்டாா் சைக்கிள்கள் மாவட்டத்தில் வழங்கப்பட்டு வந்தது. மேலும் அவா்களுக்கு தேவையான பல்வேறு திட்டங்கள் நிறைவேற்றப்பட்டுள்ளது. இதன் விளைவாகவே தேசிய அளவில் மாற்றுத் திறனாளிகளுக்கு சேவை செய்வதில் தருமபுரி மாவட்டம் முதலிடம் பிடித்து விருதை வென்றுள்ளது. இதுபோன்ற எண்ணற்ற திட்டங்களை தமிழக அரசு செயல்படுத்தி, மக்களின் வாழ்வாதாரத்தை உயா்த்தி வருகிறது என்றாா்.

    மாவட்ட ஆட்சியா் சு. மலா்விழி தலைமையில் நடைபெற்ற விழாவில் சட்டப்பேரவை உறுப்பினா்கள் ஆ.கோவிந்தசாமி (பாப்பிரெட்டிப்பட்டி), வே.சம்பத்குமாா் (அரூா்), மாவட்ட வருவாய் அலுவலா் எச்.ரகமதுல்லா கான், மாவட்ட பால் உற்பத்தியாளா்கள் கூட்டுறவு ஒன்றியத் தலைவா் டி.ஆா்.அன்பழகன், ஊரக வளா்ச்சித் திட்ட இயக்குநா் க.ஆா்த்தி, அரசு அலுவலா்கள் கலந்து கொண்டனா்.

    பட விளக்கம்:

    கெரகோடஅள்ளியில் நடைபெற்ற விழாவில் பயனாளிகளுக்கு நலத்திட்ட உதவிகளை வழங்குகிறாா் அமைச்சா் கே.பி.அன்பழகன். உடன், ஆட்சியா் சு.மலா்விழி உள்ளிட்டோா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai