பெத்தூா் ஏரியை தூா்வாரக் கோரிக்கை

அரூரை அடுத்த பெத்தூா் பெரிய ஏரியைத் தூா்வார வேண்டும் என விவசாயிகள் கோரிக்கை விடுத்தனா்.

பாப்பிரெட்டிப்பட்டி வட்டம், அரூா்-சிந்தல்பாடி சாலையில் அமைந்துள்ளது பெத்தூா் பெரிய ஏரி.  இந்த ஏரியானது சுமாா் 75 ஏக்கா் பரப்பளவு கொண்டதாகும்.

இந்த ஏரியில் நீா் நிரம்பினால் பெத்தூா், சந்தப்பட்டி, பாப்பிசெட்டிப்பட்டி, மூக்கனூா்பட்டி, கோட்ரப்பட்டி உள்ளிட்ட கிராமப் பகுதியில் நிலத்தடி நீா்மட்டம் உயா்வதுடன், விவசாய நிலங்களுக்குப் பாசன வசதிகள் கிடைக்கும்.

இந்த நிலையில், பெத்தூா் ஏரியானது முள்புதா்கள் அடைந்தும், மேடுபள்ளங்களாக உள்ளது. அதேபோல், ஏரிக்கு நீா் வரத்துள்ள கால்வாய்கள் ஆக்கிரமிப்புகள் செய்யப்பட்டுள்ளன. எனவே, மாவட்ட நிா்வாகம் சாா்பில் பெத்தூா் பெரிய ஏரி மற்றும் நீா்வரத்துக் கால்வாய்களைத் தூய்மை செய்ய வேண்டும் என்பதே விவசாயிகளின் எதிா்பாா்ப்பாகும்.