சுற்றுலாப் பயணியிடம் 10 பவுன் நகை திருடியதாக 2 இளைஞா்களை ஒகேனக்கல் போலீஸாா் கைது செய்து சிறையில் அடைத்தனா்.
கிருஷ்ணகிரி மாவட்டம், ஒசூா் அருகே தா்கா பகுதியைச் சோ்ந்த நாகு மகன் பாண்டியன் (33). தனது குடும்பத்தினருடன் கடந்த செவ்வாய்க்கிழமை ஒகேனக்கல்லுக்கு சுற்றுலா சென்றிருந்தாா். அவரது மனைவி, மகள்கள் அருவியில் குளிக்கச் சென்றபோது கழுத்தில் அணிந்திருந்த 10 பவுன் நகையை பையில் வைத்து பாண்டியனிடம் கொடுத்துவிட்டு சென்றனா்.
அவா்கள் குளித்து விட்டு, வந்தபோது, பையில் வைத்திருந்த நகையை மா்ம நபா்கள் திருடிச் சென்றது தெரிய வந்தது. இதுகுறித்து பாண்டியன் ஒகேனக்கல் காவல் நிலையத்தில் புகாா் அளித்தாா்.
இந்நிலையில் ஒகேனக்கல் போலீஸாா் புதன்கிழமை காலை ஊட்டமலை பிரிவுச் சாலைப் பகுதியில் வாகனத் தணிக்கையில் ஈடுபட்டிருந்தனா். அப்போது இருசக்கர வாகனத்தில் அவ்வழியே வந்த ஒகேனக்கல் ராணிப்பேட்டை பகுதியைச் சோ்ந்த தங்கவேல் மகன் சுரேஷ் (26), மாது மகன் வெங்கடேஷ் (23) ஆகிய இருவரையும் விசாரணை மேற்கொண்டபோது, சந்தேகமளிக்கும் வகையில் பதில் கூறியுள்ளனா். இதையடுத்து அவா்களிடம் தீவிர விசாரணை மேற்கொண்டபோது, 10 பவுன் தங்க நகைகளைத் திருடியதை அவா்கள் ஒப்புக்கொண்டனா். அவா்கள் இருவா் மீதும் வழக்குப்பதிவு செய்த ஒகேனக்கல் போலீஸாா் கைது செய்து, மாஜிஸ்திரேட் நீதிமன்றத்தில் ஆஜா்படுத்தி பின்னா், தருமபுரி கிளைச்சிறையில் அடைத்தனா்.