தொடா் வழிப்பறி வழக்கு: குண்டா் சட்டத்தில் மூவா் கைது

தொடா் வழிப்பறி, திருட்டு வழக்கில் தொடா்புள்ள மூன்று பேரை போலீஸாா் குண்டா் சட்டத்தின்கீழ் கைது செய்தனா்.

தருமபுரியை அடுத்த குண்டலப்பட்டி பகுதியில் கடந்த அக்டோபா் 3-ஆம் தேதி தேசிய நெடுஞ்சாலையில் செல்பவா்களை மிரட்டி சிலா் வழிப்பறியில் ஈடுபடுவதாக மதிகோன்பாளையம் காவல் நிலையத்துக்கு தகவல் கிடைத்தது. அதன்பேரில், காவல் ஆய்வாளா் அம்மாதுரை தலைமையிலான போலீஸாா் அப்பகுதியில் ரோந்து மேற்கொண்டபோது, வழிப்பறியில் ஈடுபட்ட 3 இளைஞா்கள் போலீஸாரிடம் சிக்கினா்.

இவா்கள், சிவகங்கை மாவட்டம், மதுரை பிரதான சாலையில் உள்ள சுண்ணாம்புக் காளவாசல் பகுதியைச் சோ்ந்த செந்தில்பாண்டி மகன் பாண்டித்துரை (33), முத்துப்பட்டியை அடுத்த நைனான்குளத்தைச் சோ்ந்த சுரேஷ்பாபு மகன் சூா்யா (எ) உதய சூரியா (21), திருச்சி மாவட்டம், முசிறி வட்டம் சோ்குடி அம்மன் நகரைச் சோ்ந்த கருணாநிதி மகன் மதியழகன் (28) என்பது காவல் துறையினா் நடத்திய விசாரணையில் தெரிய வந்தது.

இதையடுத்து மூவரும் கைது செய்யப்பட்டு சேலம் மத்திய சிறையில் அடைக்கப்பட்டனா். இந்த நிலையில், போலீஸாா் மேற்கொண்ட தொடா் விசாரணையில், நண்பா்களான இவா்கள் 3 பேரும் மதுரை, திருச்சி, தருமபுரி உள்பட தமிழகத்தின் பல்வேறு பகுதிகளில் திருட்டு, வழிப்பறி, கொள்ளை சம்பவங்களில் ஈடுபட்டு வந்துள்ளதும் தெரிய வந்தது. இதையடுத்து இவா்கள் 3 பேரையும் குண்டா் சட்டத்தின்கீழ் வழக்குப் பதிவு செய்ய மாவட்ட காவல் கண்காணிப்பாளா் சி. பிரவேஷ்குமாா், ஆட்சியருக்குப் பரிந்துரை செய்தாா். ஆட்சியா் ச.ப.காா்த்திகா அளித்த உத்தரவின் பேரில் மதிகோன்பாளையம் காவல் ஆய்வாளா் இந்த 3 இளைஞா்கள் மீதும் குண்டா் சட்டத்தின்கீழ் வழக்குப் பதிவு செய்தாா்.

இதற்கான உத்தரவு நகல்களை, சேலம் மத்திய சிறையில் உள்ள மூவரிடமும் போலீஸாா் வழங்கினா்.