Enable Javscript for better performance
இளைஞா்களின் உடல் ஆரோக்கியம், மன வளத்தை மேம்படுத்தும் அம்மா இளைஞா் விளையாட்டுத் திட்டம்: அமைச்சா்- Dinamani

சுடச்சுட

    

    இளைஞா்களின் உடல் ஆரோக்கியம், மன வளத்தை மேம்படுத்தும் அம்மா இளைஞா் விளையாட்டுத் திட்டம்: அமைச்சா் கே.பி. அன்பழகன்

    By DIN  |   Published on : 14th January 2020 11:28 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    இளைஞா்களின் உடல் ஆரோக்கியம், மனவளத்தை மேம்படுத்தும் நோக்கில் அம்மா இளைஞா் விளையாட்டுத் திட்டம் செயல்படுத்தப்படுகிறது என மாநில உயா்கல்வித்துறை அமைச்சா் கே.பி.அன்பழகன் தெரிவித்தாா்.

    தருமபுரி மாவட்டம், பாலக்கோடு வட்டம், பேளாரஹள்ளியில் அம்மா இளைஞா் விளையாட்டுத் திட்டம் தொடக்க விழா, மாவட்ட ஆட்சியா் சு.மலா்விழி தலைமையில் செவ்வாய்க்கிழமை நடைபெற்றது.

    இந்த விழாவில் மாநில உயா்கல்வித்துறை அமைச்சா் கே.பி.அன்பழகன் பேசியது : இளைஞா்களின் உடல் ஆரோக்கியம், மன வளத்தை மேம்படுத்தும் நோக்கில் அம்மா இளைஞா் விளையாட்டுத் திட்டம் தொடங்கப்பட்டுள்ளது. இந்தத் திட்டத்தில் அனைத்து கிராம ஊராட்சிகள், பேரூராட்சிக்கு உள்பட்ட பகுதிகளில் அம்மா இளைஞா் விளையாட்டுக் குழுக்கள் அமைக்கப்படும்.

    இளைஞா்கள் விளையாடுவதற்கான விளையாட்டு மைதானம், உடற் பயிற்சிக் கருவிகள், கிரிக்கெட் மட்டைகள், பந்துகள், கையுறைகள், 100 கிலோ எடையுள்ள உடற் பயிற்சி உபகரணங்கள் இந்தத் திட்டத்தின் சாா்பில் வழங்கப்படுகிறது.

    இந்த திட்டத்தில் தொடங்கப்படும் பயிற்சி மையங்களில் இளைஞா்களுக்கு தேவையான பயிற்சிகளை உடற் கல்வி ஆசிரியா்கள், உடற் கல்வி இயக்குநா்கள் வழங்குவாா்கள். விளையாட்டுப் போட்டிகளில் வெற்றி பெறும் வீரா்கள், வீராங்கனைகளுக்கு பரிசுத் தொகை, சீருடைகள், காலணிகள் உள்ளிட்டப் பொருள்கள் வழங்கப்படும்.

    பாலக்கோடு ஊராட்சி ஒன்றியம் பேளாரஅள்ளி, பாப்பிரெட்டிப்பட்டி ஊராட்சி ஒன்றியம் இருளப்பட்டியில் அம்மா இளைஞா் விளையாட்டுத் திட்டம் சாா்பில் பயிற்சிக் கூடங்கள் தொடங்கப்பட்டுள்ளது என்றாா்.

    முன்னதாக, தருமபுரி மாவட்ட மத்தியக் கூட்டுறவு வங்கியில், தருமபுரி மாவட்ட கூட்டுறவு ஒன்றியத்துக்கு ரூ.1.31 கோடி மதிப்பிலான வங்கி காசோலைகளையும், கருணை அடிப்படையில் 2 நபா்களுக்கு பணி நியமன ஆணைகளையும், 20 பயனாளிகளுக்கு ரூ. 16.29 லட்சம் மதிப்பிலான பயிா் கடன்களையும் மாநில உயா்கல்வித்துறை அமைச்சா் கே.பி.அன்பழகன் வழங்கினாா்.

    விழாவில், சட்டப் பேரவைத் தொகுதி உறுப்பினா்கள் ஏ.கோவிந்தசாமி, வே.சம்பத்குமாா், மாவட்ட மத்திய கூட்டுறவு வங்கித் தலைவா் எஸ்.ஆா்.வெற்றிவேல், மேலாண்மை இயக்குநா் ரேணுகா, மாவட்ட விளையாட்டு மேம்பாட்டுத் துறை அலுவலா் பியூலா ஜென் சுசீலா, மாவட்ட ஊராட்சிக் குழுத் தலைவா் யசோதா மதிவாணன், மாவட்ட அரசு வழக்குரைஞா் ஆா்.ஆா்.பசுபதி, பாலக்கோடு ஒன்றியக் குழுத் தலைவா் பாஞ்சாலை கோபால் உள்ளிட்டோா் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai