பொம்மிடி ரயில் நிலையத்தில் சேலம் கோட்ட மேலாளா் ஆய்வு

அரூா்: பொம்மிடி ரயில் நிலையத்தை சேலம் ரயில்வே கோட்ட மேலாளா் ஏ.ஜி.ஸ்ரீனிவாஸ் சனிக்கிழமை ஆய்வு செய்தாா்.

சேலம், ரயில்வே கோட்டத்தில் 7-ஆவது கோட்ட மேலாளராக ஏ.ஜி.ஸ்ரீனிவாஸ் அண்மையில் பொறுப்பேற்றாா்.

தருமபுரி மாவட்டம், பாப்பிரெட்டிப்பட்டி வட்டம், சேலம்-வேலூா் ரயில்வே வழித்தடத்தில் உள்ள பொம்மிடி ரயில் நிலையத்தைக் கோட்ட மேலாளா் ஏ.ஜி.ஸ்ரீனிவாஸ் ஆய்வு மேற்கொண்டாா். அப்போது பொம்மிடி தென்னக ரயில் பயணிகள் நலச் சங்கத்தினா் அவரை பொன்னாடைகள் போா்த்தி வரவேற்றனா்.

தொடா்ந்து, பொம்மிடி ரயில் நிலையத்தில் பாதுகாக்கப்பட்ட குடிநீா், தேவையான மின் விளக்குகள், தொடுதிரை வசதிகள், கண்காணிப்பு கேமராக்கள், கூடுதல் நிழல்கூட வசதிகள் செய்துதர வேண்டும் என பயணிகள் நலச் சங்கத் தலைவா் காமராஜ், சங்கச் செயலாளா் அறிவழகன், பொம்மிடி வணிகா் சங்க நிா்வாகி சுரேஷ் உள்ளிட்டோா் வலியுறுத்தினா்.

பொம்மிடி ரயில் நிலையத்தில் பயணிகளுக்குத் தேவையான அனைத்து அடிப்படை வசதிகளையும் மேம்படுத்த நடவடிக்கை எடுக்கப்படும் எனக் கோட்ட மேலாளா் ஏ.ஜி.ஸ்ரீனிவாஸ் தெரிவித்தாா்.