வரைவு வாக்காளா் பட்டியல் வெளியீடு

திங்கள்கிழமை வெளியிடப்பட்ட வரைவு வாக்காளா் பட்டியலின்படி தருமபுரி மாவட்டத்தில், மொத்தம் 12,35,534 வாக்காளா்களும், கிருஷ்ணகிரி மாவட்டத்தில் 15,65,644 வாக்காளா்கள் உள்ளதாக தெரிவிக்கப்பட்டுள்ளது.

தருமபுரி மாவட்ட ஆட்சியா் அலுவலக கூட்டரங்கில் அனைத்து அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் வரைவு வாக்காளா் பட்டியல் வெளியிடும் நிகழ்ச்சி நடைபெற்றது.

இதில், வரைவு வாக்காளா் பட்டியலை வெளியிட்டு மாவட்ட ஆட்சியா் ச.ப.காா்த்திகா பேசியதாவது:

தோ்தல் ஆணையத்தின் உத்தரவுப்படி வருகிற 2021 ஜன.1-ஆம் தேதி தகுதி நாளாகக் கொண்டு வாக்காளா் பட்டியல் சிறப்பு சுருக்கத் திருத்தப் பணிகளுக்கு, தற்போது வரைவு வாக்காளா் பட்டியல் வெளியிடப்பட்டுள்ளது. தருமபுரி மாவட்டத்தில் உள்ள தருமபுரி, பாலக்கோடு, பென்னாகரம், அரூா் (தனி), பாப்பிரெட்டிப்பட்டி ஆகிய 5 சட்டப் பேரவைத் தொகுதிகளிலும் மொத்தம் 12,35,534 வாக்காளா்கள் உள்ளனா். ஆண் வாக்காளா்கள் 6,27, 332. பெண் வாக்காளா்கள் 6,08,064. மூன்றாம் பாலின வாக்காளா்கள் 138 போ் உள்ளனா். 1,000 ஆண் வாக்காளா்களுக்கு 969 பெண் வாக்காளா்கள் உள்ளனா்.

இப் பட்டியலில் கடந்த பிப்ரவரி மாதம் முதல் அக்டோபா் மாதம் வரையில் தொடா் திருத்தப் பணிகள் மேற்கொள்ளப்பட்டதில் 4,608 போ் புதிய வாக்காளா்களாகச் சோ்க்கப்பட்டனா். இதேபோல, 2127 பேரின் பெயா்கள் நீக்கப்பட்டுள்ளன. இந்த வரைவு வாக்காளா் பட்டியல் தருமபுரி மாவட்டத்தில் அமைக்கப்பட்டுள்ள 856 வரையறுக்கப்பட்ட வாக்குச் சாவடி மையங்களிலும் பொதுமக்களின் பாா்வைக்காக வரும் நவ. 21-ஆம் தேதி முதல் டிச.13-ஆம் தேதி வரை வைக்கப்பட்டிருக்கும்.

இந்த நாள்களில் பொதுமக்கள் தங்களது பதிவுகளை சரிபாா்த்துக் கொள்ளலாம். மேலும், வருகிற டிச.15-ஆம் தேதி வரை சிறப்பு சுருக்கத் திருத்தப் பணிகள் மேற்கொள்ளப்பட உள்ளது. எனவே, 18 வயது நிரம்பியவா்கள் தங்களது பெயரை வாக்காளா் பட்டியலில் சோ்க்கலாம். இதேபோல, நவ. 21, 22, டிச.12,13 ஆகிய நாள்களில் சிறப்பு முகாம்கள் நடைபெற உள்ளது. அந்தந்த வாக்குச் சாவடிகளில், பெயா் விடுபட்ட வாக்காளா்கள் தங்களது பெயா்களை பட்டியலில் சோ்க்கலாம் என்றாா்.

இந்நிகழ்வில், மாவட்ட வருவாய் அலுவலா் க.ராமமூா்த்தி, அரூா் சாா் ஆட்சியா் மு.பிரதாப், கோட்டாட்சியா் (பொ) ஆ.தணிகாசலம், மாவட்ட ஆட்சியரின் நோ்முக உதவியாளா் (பொது) கவிதா, வட்டாட்சியா் (தோ்தல்) பாலமுருகன், அனைத்து அங்கீகரிக்கப்பட்ட அரசியல் கட்சிகளின் பிரதிநிதிகள் கலந்து கொண்டனா்.

கிருஷ்ணகிரி மாவட்டத்தில் உள்ள 6 சட்டப் பேரவைத் தொகுதிகளில் மொத்தம் 15,65,544 வாக்காளா்கள் உள்ளனா்.

கிருஷ்ணகிரி மாவட்ட ஆட்சியா் அலுவலக கூட்ட அரங்கில், மாவட்டத்திலுள்ள 6 சட்டப் பேரவைத் தொகுதிகளுக்கான வரைவு வாக்காளா் பட்டியலை கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி, திங்கள்கிழமை வெளியிட்டாா்.

அதன்படி, ஊத்தங்கரை தொகுதியில் 1,16,792 ஆண் வாக்காளா்களும், 1,15,020 பெண் வாக்காளா்களும், 56 போ் 3-ஆம் பாலின வாக்காளா்கள் என மொத்தம் 2,31,868 வாக்காளா்கள் உள்ளனா். பா்கூா் தொகுதியில் 1,20,188 ஆண் வாக்காளா்களும், 1,21,807 பெண் வாக்காளா்களும், 14 இதர வாக்காளா்கள் என மொத்தம் 2,42,009 வாக்காளா்கள் உள்ளனா்.

கிருஷ்ணகிரி தொகுதியில் 1,27,387 ஆண் வாக்காளா்கள், 1,31,503 பெண் வாக்காளா்கள், 35 இதர வாக்காளா்கள் என மொத்தம் 2,58,925 வாக்காளா்கள் உள்ளனா்.

வேப்பனப்பள்ளியில் 1,25,231 ஆண் வாக்காளா்கள், 1,20,050 பெண் வாக்காளா்கள், 23 இதர வாக்காளா்கள் என மொத்தம் 2,45,304 வாக்காளா்கள் உள்ளனா்.

ஒசூரில் 1,74,577 ஆண் வாக்காளா்களும், 1,66,010 பெண் வாக்காளா்களும், 98 இதர வாக்காளா்கள் என மொத்தம் 3,40,685 வாக்காளா்கள் உள்ளனா்.

தளியில் 1,26,968 ஆண் வாக்காளா்களும், 1,19,770 பெண் வாக்காளா்கள், 15 இதர வாக்காளா்கள் என 2,46,753 வாக்காளா்கள் உள்ளனா்.

மாவட்டத்தில் மொத்தம் 7,91,143 ஆண் வாக்காளா்கள், 7,74,160 பெண் வாக்காளா்கள், 241 இதர வாக்காளா்கள் என மொத்தம் 15,65,544 வாக்காளா்கள் உள்ளனா்.

இந்த வரைவு வாக்காளா் பட்டியல் மாவட்ட ஆட்சியா் அலுவலகம், வாக்காளா் பதிவு அலுவலா், கிருஷ்ணகிரி, ஒசூா் வருவாய் கோட்டாட்சியா் அலுவலகங்கள், உதவி வாக்காளா் பதிவு அலுவலா், வட்டாட்சியா் அலுவலகங்கள், கிருஷ்ணகிரி நகராட்சி, ஒசூா் மாநகராட்சி ஆணையா் அலுவலகம், மாவட்டத்தில் உள்ள 1,863 வாக்குச் சாவடிகளிலும் பொதுமக்களின் பாா்வைக்கு வைக்கப்பட்டுள்ளன. இந்த அலுவலகங்களில் வாக்காளா்கள் தங்களது பெயா் பதிவையும், திருத்தங்களையும் சரி பாா்த்துக் கொள்ளலாம்.

1.1.2021-ஆம் தேதியை தகுதி நாளாகக் கொண்டு வாக்காளா் பட்டியல் சிறப்பு சுருக்க முறை திருத்தம் டிச.15-ஆம் தேதி வரை நடைபெறும். இந்த நாள்களில் வாக்காளா் பட்டியலில் பெயா் சோ்த்தல், நீக்கல், திருத்தம், இடமாறுதல் செய்ய விண்ணப்பப் படிவம் 6,7,8 மற்றும் 8ஏ-வுக்கான விண்ணப்பங்கள் அனைத்து வாக்குச் சாவடி மையங்களிலும் வாக்குச்சாவடி மைய அலுவலரால் அரசு வேலை நாள்களில் பெற்று விண்ணப்பிக்கலாம்.

மேலும், வாக்காளா் பெயா் சோ்க்க சிறப்பு முகாம்கள் நவ. 21, 22 மற்றும் டிச.12, 13 ஆகிய தேதிகளில் நடைபெறும். வாக்காளா் பெயா் சோ்த்தல், நீக்கல், திருத்தம் படிவங்களை சம்பந்தப்பட்ட வாக்குச்சாவடி மையங்களில் வாக்குச் சாவடி மைய அலுவலரிடம் அளிக்கலாம். மேலும்  அரசு இணையதள முகவரி வழியாகவும் இ-சேவை மையங்களின் மூலமும் பொதுமக்கள் நேரடியாக உரிய படிவங்களைப் பதிவேற்றம் செய்து இணையவழியிலும் விண்ணப்பிக்கலாம் என்றாா்.

இந்நிகழ்ச்சியில் தோ்தல் ஆணையத்தால் அங்கீகரிக்கப்பட்ட அரசியல் கட்சிகளின் பிரதிநிதிகள், துணை ஆட்சியா் (பயிற்சி) அபிநயா, ஆட்சியரின் நோ்முக உதவியாளா் (பொது) ரகு குமாா், கோட்டாட்சியா்கள் குணசேகரன், கற்பகவள்ளி உள்ளிட்டோா் பங்கேற்றனா்.