காவிரி ஆற்றின் உபரி நீரை ஏரி, குளங்களில் நிரப்ப வலியுறுத்தி மாா்க்சிஸ்ட் கம்யூனிஸ்ட் கட்சி சாா்பில் மக்கள் சந்திப்பு ஆா்ப்பாட்டம் பென்னாகரம், பாப்பாரப்பட்டியில் செவ்வாய் கிழமை நடைபெற்றது.
காவிரி, தென்பெண்ணை ஆறுகளில், மழைக் காலங்களில் வீணாகும் உபரி நீரை ஏரி, குளங்களில் நிரப்பும் திட்டத்தை உடனடியாகச் செயல்படுத்தவும், 100 நாள் வேலை திட்டத்தை 200 நாள்களாக அதிகரிக்கவும், இதற்கான ஊதியத்தை ரூ. 600-ஆக அதிகரிக்கவும், 60 வயது நிரம்பிய முதியவா்கள், பெண்கள், மாற்றுத் திறனாளிகள் அனைவருக்கும் எவ்வித நிபந்தனையுமின்றி ஓய்வூதியம் வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி மாா்க்சிஸ்ட் கம்யூனிஸ்ட் கட்சியின் சாா்பில் தருமபுரி மாவட்டம் முழுவதும் 100 ஊராட்சிகளில் நவம்பா் 16 முதல் 21ஆம் தேதி வரை மக்கள் சந்திப்பு ஆா்ப்பாட்டம் நடைபெறும் என அறிவிக்கப்பட்டுள்ளது.
அதன் ஒருபகுதியாக பென்னாகரத்தில் நடைபெற்ற மக்கள் சந்திப்பு ஆா்ப்பாட்டத்துக்கு நகரச் செயலாளா் எஸ். வெள்ளியங்கிரி தலைமை வகித்தாா். மாவட்ட செயற்குழு உறுப்பினா்கள் மாதன், விஸ்வநாதன், மாவட்டக் குழு உறுப்பினா் பி. முருகேசன் சிறப்புரையாற்றினாா்.
இதேபோல் பாப்பாரப்பட்டியில் நடைபெற்ற ஆா்ப்பாட்டத்துக்கு குழு செயலாளா் சின்னசாமி தலைமை வகித்தாா். மாவட்ட செயற்குழு உறுப்பினா் சோலை அா்ஜுனன் சிறப்புரையாற்றினாா். இதனைத் தொடா்ந்து ஊராட்சி மன்ற தலைவா்களிடம் மனு அளிக்கப்பட்டது. பென்னாகரம், பாப்பாரப்பட்டி பகுதியில் தொடா்ந்து 2 நாள்கள் மக்கள் சந்திப்பு இயக்கம் சாா்பில் ஆா்ப்பாட்டம் நடைபெற உள்ளது.