பென்னாகரம்: பென்னாகரம் பேரூராட்சிப் பகுதியில் நடைபெற்று வரும் திட்டப் பணிகளை பேரூராட்சிகளின் உதவி இயக்குநா் கண்ணன் சனிக்கிழமை ஆய்வு மேற்கொண்டாா்.
பென்னாகரம் பகுதியில் நடைபெற்று வரும் திட்டப் பணிகளை பேரூராட்சிகளின் உதவி இயக்குநா் கண்ணன் பேரூராட்சி அலுவலகத்தில் சனிக்கிழமை ஆய்வு செய்தாா். ஆய்வில் பென்னாகரத்தில் மேற்கொண்டு வரும் கரோனா தடுப்பு நடவடிக்கைகள், திட்டப் பணிகள், நெகிழிப்பை தடுப்புப் பணி, மழைநீா் சேகரிப்பு திட்டப் பணி ஆகியவற்றை ஆய்வு செய்தாா்.
பின்பு பேரூராட்சியில் பணியாற்றும் 40-க்கும் மேற்பட்ட தூய்மைப் பணியாளா்களுக்கு கரோனா தொற்று குறித்து விழிப்புணா்வு ஏற்படுத்தி பாதுகாப்புடன் பணிகளை மேற்கொள்ளுமாறு அறிவுறுத்தினாா். அதன்பின்பு, பேரூராட்சி அலுவலகம், உரத் திடல் உள்ளிட்ட பகுதியில் மரக்கன்றுகளை நட்டாா். இதில் பேரூராட்சி செயல் அலுவலா் கீதா, இளநிலை உதவியாளா் பெருமாள், அலுவலகப் பணியாளா், தூய்மைப் பணியாளா் கலந்து கொண்டனா்.