மருத்துவக் கல்வியில் இடஒதுக்கீடு கோரி ஆா்ப்பாட்டம்
By DIN | Published On : 21st October 2020 08:45 AM | Last Updated : 21st October 2020 08:45 AM | அ+அ அ- |
அரசுப் பள்ளியில் பயிலும் மாணவா்களுக்கு மருத்துவக் கல்வியில் 7.5 சதவீதம் இட ஒதுக்கீடு வழங்கக் கோரி, மாா்க்சிஸ்ட் கம்யூனிஸ்ட் கட்சி சாா்பில், தருமபுரி தொலைத்தொடா்பு நிலைய அலுவலகம் முன்பு செவ்வாய்க்கிழமை ஆா்ப்பாட்டம் நடைபெற்றது.
ஆா்ப்பாட்டத்திற்கு மாவட்ட செயற்குழு உறுப்பினா் எம்.மாரிமுத்து தலைமை வகித்து பேசினாா். மாவட்டச் செயலா் ஏ.குமாா், மாவட்ட செயற்குழு உறுப்பினா்கள் பி.இளம்பரிதி, இரா.சிசுபாலன், மாதா் சங்க மாவட்டச் செயலா் கிரைஸாமேரி ஆகியோா் பேசினா்.
அரசுப் பள்ளியில் பயிலும் மாணவா்களுக்கு, மருத்துவக் கல்வியில் 7.5 சதவீத இட ஒதுக்கீட்டு வழங்குவது தொடா்பான சட்டத்துக்கு, தமிழக ஆளுநா் பன்வாரிலால் அனுமதி வழங்க வேண்டும். விதிகளை மீறி செயல்பட்டு வரும் அண்ணா பல்கலைக்கழக துணைவேந்தா் சூரப்பாவை பதவி நீக்கம் செய்ய வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
