தருமபுரி மாவட்டத்தில் குற்றத் தடுப்பு நடவடிக்கைகளுக்கு முக்கியத்துவம் அளிக்கப்படும் என மாவட்டக் காவல் கண்காணிப்பாளா் சி.பிரவேஷ் குமாா் தெரிவித்தாா்.
இதுகுறித்து செய்தியாளா்களிடம் அவா் கூறியதாவது:
தருமபுரி மாவட்டத்தில் குற்றச் செயல்களைத் தடுக்க தேவையான அனைத்து நடவடிக்கைகளும் மேற்கொள்ளப்படும். ஊரகப் பகுதிகளில் ஏற்கெனவே உள்ள கிராம அளவிலான கண்காணிப்புக் குழுவினரின் செயல்பாடுகளை ஊக்கப்படுத்தி, அதன் வழியாக குற்றங்கள் விரைந்து தடுக்கப்படும். மேலும், தருமபுரி பேருந்து நிலையம் மற்றும் நகரப் பகுதிகளில், சிசிடிவி கேமராக்கள் தேவையான இடங்களில் பொருத்தப்படும்.
ஏற்கெனவே, பழுதாகியுள்ள சிசிடிவி கேமராக்கள் சரிசெய்யப்படும். இதேபோல, நகரப் பகுதிகளிலும், போக்குவரத்து நெரிசல் மற்றும் தொப்பூா் வனப்பகுதி தேசிய நெடுஞ்சாலையில் அவ்வப்போது நிகழும் விபத்துகளைத் தடுக்கவும் உரிய நடவடிக்கை மேற்கொள்ளப்படும்.
மாவட்டத்தில் இளம் வயது திருமணங்கள், சிறுமிகள் மீதான பாலியல் தொந்தரவுகளைத் தடுக்க உரிய நடவடிக்கை எடுக்கப்படும். மேலும், காவல் துறையினரை பொதுமக்கள் எளிதில் அணுக தேவையான அனைத்து வசதிகளும் மேற்கொள்ளப்படும் என்றாா்.
இதைத் தொடா்ந்து, தேசிய நெடுஞ்சாலையில் ரோந்து செல்லும் காவல் துறை வாகனங்களின் செயல்பாடுகளைப் பாா்வையிட்டு ஆய்வு செய்தாா்.