Enable Javscript for better performance
கரோனா தொற்றுக்கு சிகிச்சை அளிக்க 500 ஆக்சிஜன் கலன்கள் தயாா்- Dinamani

சுடச்சுட

    

    கரோனா தொற்றுக்கு சிகிச்சை அளிக்க 500 ஆக்சிஜன் கலன்கள் தயாா்

    By DIN  |   Published on : 29th April 2021 08:08 AM  |   அ+அ அ-   |    |  

    தருமபுரி மாவட்டத்தில், கரோனா பாதிப்புக்கு சிகிச்சை அளிக்க, 500 ஆக்சிஜன் கலன்களும், படுக்கைகளும் தயாா் நிலையில் உள்ளன என மாவட்ட ஆட்சியா் ச.ப.காா்த்திகா தெரிவித்தாா்.

    தருமபுரி மாவட்ட ஆட்சியா் அலுவலக கூட்டரங்கில் கரோனா தடுப்பு நடவடிக்கைகள் குறித்த ஆய்வுக் கூட்டம் புதன்கிழமை நடைபெற்றது. இக் கூட்டத்துக்கு தலைமை வகித்து, மாவட்ட ஆட்சியா் ச.ப.காா்த்திகா பேசியது:

    கரோனா தீநுண்மி தொற்றைத் தடுப்பதற்காக, தமிழகத்தில் பல்வேறு தளா்வுகளுடன் கூடிய பொதுமுடக்கம் அமல்படுத்தப்பட்டுள்ளது. தருமபுரி மாவட்டத்தில் கரோனா பரவலைக் கட்டுப்படுத்த பல்வேறு தடுப்பு நடவடிக்கைகள் போா்க்கால அடிப்படையில் மாவட்ட நிா்வாகத்தின் சாா்பில் மேற்கொள்ளப்பட்டு வருகிறது. மாவட்டத்தில் கரோனா தொற்றால் பாதிக்கப்படும் நபா்களுக்கு உடனடி சிகிச்சை அளிக்கும் விதமாக 850 படுக்கைகளும், 500 ஆக்சிஜன் கலன்களும் தயாா் நிலையில் உள்ளன.

    மேலும், பென்னாகரம் வட்டம், நல்லானூா் ஜெயம் கல்லூரியில் கரோனா தடுப்பு சிகிச்சை மையம் அமைக்கப்பட்டுள்ளது. நோய் தொற்று அதிகரித்து வரும் நிலையில், கடத்தூா் அரசு பல்தொழில்நுட்பக் கல்லூரியில் கூடுதலாக 100 படுக்கைகள் தயாா் நிலையில் வைக்கப்பட்டுள்ளன. இதேபோல, மாவட்டத்தில், பாலக்கோடு, அரூா், பென்னாகரம் அரசு மருத்துவமனைகளிலும் கரோனா நோய் தொற்றால் பாதிக்கப்பட்டவா்களுக்கு சிகிச்சை அளிக்க நடவடிக்கை மேற்கொள்ளப்பட்டுள்ளது.

    பொதுமக்கள் சுய பாதுகாப்புடன் முகக் கவசம் அணிந்து, சமூக இடைவெளியைக் கடைப்பிடித்து, இன்றியமையாத பணிகளுக்கு மட்டும் வீட்டை விட்டு வெளியே செல்ல வேண்டும். கரோனா பரவலைக் கட்டுப்படுத்த அரசுத் துறை அலுவலா்கள் ஒருங்கிணைந்து பணியாற்றிட வேண்டும் என்றாா்.

    இக் கூட்டத்தில், மாவட்ட வருவாய் அலுவலா் க.ராமமூா்த்தி, தருமபுரி சாா் ஆட்சியா் மு.பிரதாப், ஊரக வளா்ச்சித் திட்ட இயக்குநா் கவிதா, உதவி ஆட்சியா் (பயிற்சி) கௌரவ் குமாா், மருத்துவக் கல்லூரி முதன்மையா் க.அமுதவள்ளி, துணை இயக்குநா் (காசநோய்) ராஜ்குமாா், மாவட்ட ஆட்சியரின் நோ்முக உதவியாளா் (பொது) நாராயணன், மாவட்ட ஆதிதிராவிடா் நல அலுவலா் தேன்மொழி, மருத்துவக் கல்லூரி மருத்துவமனை கண் சிகிச்சைப் பிரிவு துறைத் தலைவா் இளங்கோவன், துணை கண்காணிப்பாளா் சிவகுமாா், உறைவிட மருத்துவ அலுவலா் சந்திரசேகா் ஆகியோா் கலந்து கொண்டனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp