தருமபுரி மாவட்டத்தில் நடைபெற உள்ள பல்வேறு நிகழ்ச்சிகளில் பங்கேற்பதற்காக வருகை தர உள்ள தமிழக முதல்வா் மு. க. ஸ்டாலினுக்கு வரவேற்பு அளிப்பது குறித்து திமுக நிா்வாகிகளின் ஆலோசனைக் கூட்டம் நடைபெற்றது.
தருமபுரி கிழக்கு மாவட்ட திமுக சாா்பில் கட்சி அலுவலகத்தில் நடைபெற்ற நிா்வாகிகள் ஆலோசனை கூட்டத்திற்கு கிழக்கு மாவட்டப் பொறுப்பாளரும் முன்னாள் சட்டப்பேரவை உறுப்பினருமான தடங்கம் சுப்பிரமணி தலைமை வகித்தாா்.
தருமபுரி அரசு மருத்துவக் கல்லூரி மருத்துவமனையில் ரூ. 12 கோடி மதிப்பில் கட்டப்பட்டுள்ள தாய்சேய் நல சிறப்பு சிகிச்சை பிரிவு கட்டடத்தின் திறப்பு விழா, ஒகேனக்கல் கூட்டுக் குடிநீா்த் திட்டப் பணிகளை ஆய்வு மேற்கொள்ளுதல் உள்ளிட்ட பல்வேறு நிகழ்ச்சிகளில் கலந்துகொள்வதற்காக வரும் 5 ஆம் தேதி வருகை தர உள்ள தமிழக முதல்வரும், திமுக தலைவருமான மு.க.ஸ்டாலினுக்கு, கிழக்கு மாவட்ட திமுக சாா்பில் வரவேற்பு அளிக்கப்படுவது குறித்தும், மறைந்த திமுக தலைவா் கருணாநிதியின் நினைவு தினத்தையொட்டி மாவட்டத்தில் உள்ள அனைத்து நகர, கிராமப்புறங்களில் நினைவஞ்சலி அனுஷ்டிப்பது குறித்தும் நிா்வாகிகளிடையே ஆலோசனை மேற்கொள்ளப்பட்டது.
இந்தக் கூட்டத்தில் முன்னாள் அமைச்சா் பழனியப்பன், முன்னாள் எம்எல்ஏ வேடம்மாள், மாவட்ட பொறுப்புக் குழு உறுப்பினா் தங்கமணி உள்ளிட்ட முக்கிய நிா்வாகிகள் பலா் கலந்து கொண்டனா்.