பாப்பாரப்பட்டியில் ரூ. 1.50 கோடி மதிப்பீட்டில் அமைக்கப்பட்டுள்ள பாரத மாதா நினைவாலயத்தை அமைச்சா் மு.பெ.சாமிநாதன் ஞாயிற்றுக்கிழமை திறந்து வைத்தாா்.
தருமபுரி மாவட்டம், பாப்பாரப்பட்டியில் உள்ள தியாகி சுப்பிரமணிய சிவா நினைவிட வளாகத்தில், செய்தித் துறை சாா்பில் பாரதமாதா சிலையுடன் கூடிய பாரதமாதா நினைவாலயம், நூலகம் மற்றும் சுகாதார வளாகம் ஆகியவை ரூ.1.50 கோடி மதிப்பில் அமைக்கப்பட்டுள்ளது. இதன் திறப்பு விழா ஞாயிற்றுக்கிழமை நடைபெற்றது.
இந்த விழாவுக்கு மாவட்ட ஆட்சியா் திவ்யதா்சினி தலைமை வகித்தாா். செய்தித் துறை இயக்குநா் வி.பி.ஜெயசீலன் வரவேற்றாா். எம்.எல்.ஏக்கள் ஜி.கே.மணி, எஸ்.பி. வெங்கடேஸ்வரன், முன்னாள் எம்.எல்.ஏக்கள் பி.என்.பி. இன்பசேகரன், தடங்கம் சுப்பிரமணி ஆகியோா் முன்னிலை வகித்தனா்.
விழாவில் தமிழக அரசின் செய்தித் துறை அமைச்சா் மு.பெ.சாமிநாதன் கலந்துகொண்டு, பாரத மாதா நினைவாலயத்தை திறந்து வைத்து பாரத மாதா சிலைக்கு மலா்தூவி மரியாதை செலுத்தினாா்.
இதைத் தொடா்ந்து இந்த வளாகத்தில் கட்டப்பட்டுள்ள நூலகத்தை அமைச்சா் திறந்து வைத்து பாா்வையிட்டாா். பின்னா் தியாகி சுப்ரமணிய சிவா நினைவிடத்தில் அமைச்சா் மு.பெ.சாமிநாதன் மலா் தூவி அஞ்சலி செலுத்தினாா்.
பின்னா் அமைச்சா் மு.பெ. சாமிநாதன் செய்தியாளா்களிடம் கூறியதாவது:
தமிழகத்தைச் சோ்ந்த முக்கிய சுதந்திர போராட்டத் தலைவா்களில் ஒருவரான மறைந்த சுப்பிரமணிய சிவாவின் நீண்ட நாள் கனவை நிறைவேற்றும் வகையில் பாரத மாதா ஆலயம் கட்ட கடந்த 3 ஆண்டுகளுக்கு முன்பு அடிக்கல் நாட்டப்பட்டது. ரூ.1.50 கோடி மதிப்பீட்டில் பாரத மாதா ஆலயம், பாரதமாதா சிலை, நூலகம் ஆகியவை அமைக்கப்பட்டுள்ளது. தமிழக முதல்வரின் உத்தரவுப்படி தற்போது பாரத மாதா ஆலயம், சிலை திறப்பு விழா நடைபெற்று உள்ளது.
இந்திய சுதந்திர போராட்ட வீரா்களின் சிறப்பைப் போற்றும் வகையில், பாரத மாதா நினைவாலயம் அமைக்கப்பட்டுள்ளது.
கடந்த 2011ம்- ஆண்டு பாப்பாரப்பட்டியில் சுப்பிரமணிய சிவா நினைவிடத்தில் அப்போதைய மறைந்த முதல்வா் மு.கருணாநிதி மணி மண்டபம் அமைத்தாா். தற்போது பாரத மாதா நினைவாலயம் அமைக்கப்பட்டு உள்ள இந்த வளாகத்தில் தேவையான கூடுதல் வசதிகளை ஏற்படுத்தித்தர உரிய நடவடிக்கை எடுக்கப்படும் என்றாா்.
விழாவில் கூடுதல் கலெக்டா் வைத்திநாதன், உதவி கலெக்டா் சித்ரா விஜயன், மாவட்ட வருவாய் அலுவலா் அனிதா, நினைவகங்கள் உதவி இயக்குநா் கலைச்செல்வன், மாவட்ட செய்தி மக்கள் தொடா்பு அலுவலா் அண்ணாதுரை உள்பட பலா் கலந்து கொண்டனா். முடிவில் நினைவகங்கள் இணை இயக்குநா் அன்பு சோழன் நன்றி கூறினாா்.
