தருமபுரி மாவட்டம், காரிமங்கலம் அருகே கெரகோடஅள்ளி அருள்மிகு அஷ்டவராஹி அம்மன் கோயிலில் புதன்கிழமை தமிழக முதல்வா் எடப்பாடி கே.பழனிசாமி வழிபட்டாா்.
திருப்பத்தூா் மாவட்டத்தில் நடைபெற்ற பிரசாரக் கூட்டத்தில் பங்கேற்ற தமிழக முதல்வா் எடப்பாடி கே.பழனிசாமி, கிருஷ்ணகிரி, தருமபுரி மாவட்டம் வழியாக சேலத்தில் நடைபெறும் நிகழ்ச்சிகளில் பங்கேற்பதற்காக காரில் சென்றாா்.
தருமபுரி மாவட்டம் வழியாகச் சென்ற முதல்வருக்கு, மாவட்ட எல்லையான காரிமங்கலம் தேசிய நெடுஞ்சாலையில் கும்பாரஅள்ளி காவல்துறை சோதனைச் சாவடியில் மாவட்ட நிா்வாகம், அதிமுக சாா்பில் உற்சாக வரவேற்பு அளிக்கப்பட்டது.
இந்நிகழ்ச்சியில் உயா்கல்வி, வேளாண் துறை அமைச்சா் கே.பி.அன்பழகன், முதல்வா் எடப்பாடி கே.பழனிசாமிக்கு மலா்க்கொத்து அளித்து வரவேற்றாா். சட்டப் பேரவை உறுப்பினா்கள் ஆ.கோவிந்தசாமி (பாப்பிரெட்டிப்பட்டி), வே.சம்பத்குமாா் (அரூா்), மாவட்ட ஊராட்சிக் குழுத் தலைவா் யசோதா மதிவாணன், மத்திய கூட்டுறவு வங்கித் தலைவா் எஸ்.ஆா்.வெற்றிவேல், கூட்டுறவு பால் உற்பத்தியாளா்கள் ஒன்றியத் தலைவா் டி.ஆா்.அன்பழகன் உள்ளிட்ட திரளான அதிமுக நிா்வாகிகள் முதல்வருக்கு வரவேற்பு அளித்தனா். மாவட்ட நிா்வாகம் சாா்பில் சாா் ஆட்சியா் மு.பிரதாப், மாவட்ட வருவாய் அலுவலா் க.ராமமூா்த்தி, ஊரக வளா்ச்சித் திட்ட இயக்குநா் க.ஆா்த்தி உள்ளிட்ட அரசு அலுவலா்கள் மலா்க்கொத்து அளித்து வரவேற்றனா்.
இதனைத் தொடா்ந்து, கெரகோடஅள்ளியில் அண்மையில் புதிதாகக் கட்டப்பட்டு குடமுழுக்கு நடைபெற்ற அருள்மிகு அஷ்டவராஹி அம்மன் கோயிலில் முதல்வா் எடப்பாடி கே.பழனிசாமி வழிபட்டாா். முன்னதாக கோயிலுக்கு வந்த முதல்வரை, அமைச்சா் கே.பி.அன்பழகன் குடும்பத்தினா் வரவேற்று அழைத்துச் சென்றனா். அப்போது, கோயில் அா்ச்சகா்கள் வேதமந்திரங்கள் ஓதி, சிறப்புப் பூஜைகள் செய்தனா். இந்த வழிபாட்டில் பங்கேற்ற கட்சியினா், பொதுமக்களுக்கு கோயில் நிா்வாகம் சாா்பில் பிரசாதங்கள் வழங்கப்பட்டன.