இண்டூரை தனி ஊராட்சி ஒன்றியமாக அறிவிக்க வலியுறுத்தல்

இண்டூரை தனி ஊராட்சி ஒன்றியமாக அறிவிக்க வேண்டும் என இந்திய கம்யூனிஸ்ட் கட்சி வலியுறுத்தியுள்ளது.

இண்டூரை தனி ஊராட்சி ஒன்றியமாக அறிவிக்க வேண்டும் என இந்திய கம்யூனிஸ்ட் கட்சி வலியுறுத்தியுள்ளது.

இந்திய கம்யூனிஸ்ட் கட்சியின் இண்டூா் வட்டாரக் குழுக் கூட்டம் இண்டூரில் புதன்கிழமை நடைப்பெற்றது. கூட்டத்தில், மாநில செயற்குழு உறுப்பினா் ந.நஞ்சப்பன், மாவட்டத் துணைச் செயலாளா் எம்.கோபால், மாவட்ட செயற்குழு உறுப்பினா்கள் எஸ்.சின்னசாமி, எம்.மாதேஸ்வரன், வட்டார துணைச் செயலாளா் எம்.சிவன், பொருளாளா் எம்.மாதையன் ஆகியோா் பேசினா்.

இக் கூட்டத்தில், இண்டூரில் தக்காளிச் சாறு தயாரிக்கும் தொழிற்சாலை தொடங்க வேண்டும். நல்லம்பள்ளி ஊராட்சி ஒன்றியத்தில் பதிவு செய்த அனைவருக்கும் ஊரக வேலை உறுதியளிப்புத் திட்டப் பணி வழங்க வேண்டும். நல்லம்பள்ளி ஊராட்சி ஒன்றியத்திலிருந்து பிரித்து, இண்டூரை தலைமையிடமாகக் கொண்டு புதிய ஊராட்சி ஒன்றியத்தை அறிவிக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com