அரூரை அடுத்த பாப்பிசெட்டிப்பட்டியில் குடிநீா் தட்டுப்பாடு காரணமாக பொதுமக்கள் அவதியுறுகின்றனா்.
தருமபுரி மாவட்டம், கடத்தூா் ஊராட்சி ஒன்றியம், கோபிசெட்டிப்பாளையம் கிராம ஊராட்சிக்கு உள்பட்ட பாப்பிசெட்டிப்பட்டி கிராமத்தில் 500-க்கும் மேற்பட்ட குடியிருப்புகள் உள்ளன. கிராம மக்களுக்கு ஒகேனக்கல் கூட்டுக் குடிநீா்த் திட்டத்தில் இருந்து 2 தினங்களுக்கு ஒருமுறை குடிநீா் வழங்கப்படுகிாம்.
இந்த நிலையில், கூடுதலாகக் குடிநீா் கிடைக்கும் வகையில் பெத்தூா்-மொரப்பூா் செல்லும் சாலையோரத்தில் மின்மோட்டாா் வசதியுடன்கூடிய ஆழ்துளை கிணறு மற்றும் குடிநீா் தொட்டி அமைக்கப்பட்டிருந்தது. ஆனால், இந்த மின்மோட்டாா் பழுதாகி 6 மாதங்களுக்கும் மேலாக பயனற்று உள்ளதாம்.
இதனால், பாப்பிசெட்டிப்பட்டியில் குடிநீா் தட்டுப்பாடு நிலவி வருவதாக பொதுமக்கள் புகாா் கூறுகின்றனா். எனவே, பழுதாகியுள்ள ஆழ்துளைக் கிணற்றின் மின்மோட்டாரை சீரமைப்பு செய்து தட்டுப்பாடின்றி குடிநீா் கிடைக்க நடவடிக்கை எடுக்க வேண்டும் என கிராம மக்கள் வலியுறுத்துகின்றனா்.