பென்னாகரத்தில் திமுக வேட்பாளா் அறிவிப்புஇனிப்பு வழங்கி கொண்டாட்டம்
By DIN | Published On : 13th March 2021 08:37 AM | Last Updated : 13th March 2021 08:37 AM | அ+அ அ- |
பென்னாகரம்: பென்னாகரம் சட்டப்பேரவை தொகுதியில் திமுக வேட்பாளராக பிஎன்பி.இன்பசேகரன் அறிவிக்கப்பட்டதையடுத்து அதிமுகவினா் பட்டாசு வெடித்து பொதுமக்களுக்கு இனிப்புகளை வழங்கினா்.
பென்னாகரம் சட்டப்பேரவை தொகுதி திமுக வேட்பாளராக தருமபுரி மேற்கு மாவட்டப் பொறுப்பாளா் பிஎன்பி. இன்பசேகரன் அறிவிக்கப்பட்டாா். இதனை வரவேற்கும் விதமாக தருமபுரி மேற்கு மாவட்ட திமுக சாா்பில் நகரச் செயலாளா் வீரமணி தலைமையில், பென்னாகரம் பழைய பேருந்து நிலையம் முன்பு திமுகவினா் பட்டாசு வெடித்தும், பொது மக்களுக்கு இனிப்புகள் வழங்கியும் கொண்டாடினா்.
நிகழ்வில் ஏரியூா் ஒன்றியச் செயலாளா் செல்வராஜ், மாவட்டப் பிரதிநிதி சிவகுமாா், ஒன்றியப் பொருளாளா் மடம் முருகேசன், சேலம் ஹோட்டல் வினு உள்ளிட்ட முக்கிய நிா்வாகிகள் என 100க்கும் மேற்பட்டவா்கள் கலந்து கொண்டனா்.
அமமுக: பென்னாகரம் சட்டப்பேரவை தொகுதியில் அமமுக வேட்பாளராக, அந்தக் கட்சியின் பென்னாகரம் ஒன்றியச் செயலாளா் வி.பி.சாம்ராஜ் அறிவிக்கப்பட்டுள்ளாா். இதையடுத்து பென்னாகரம் அமமுக சாா்பில் நகரச் செயலாளா் அருள் தலைமையில், பென்னாகரம் பழைய பேருந்து நிலையம் முன்பு பொதுமக்களுக்கு இனிப்புகள் வழங்கியும், பட்டாசி வெடித்தும் அக்கட்சியினா் கொண்டாடினா்.
