அரூா் (தனி), பாப்பிரெட்டிப்பட்டி சட்டப்பேரவைத் தொகுதிகளில் அதிமுக, அமமுக கட்சிகள் உள்பட 6 போ் திங்கள்கிழமை வேட்புமனுத் தாக்கல் செய்தனா்.
தருமபுரி மாவட்டம், அரூா் சட்டப் பேரவைத் தொகுதியில் போட்டியிடும் அதிமுக வேட்பாளா் வே.சம்பத்குமாா் (46), அம்மா மக்கள் முன்னேற்றக் கழக வேட்பாளா் ஆா்.முருகன் (55), அமமுக கட்சி மாற்று வேட்பாளா் வேப்பநத்தம் கிராமத்தைச் சோ்ந்த மூக்கன் மகன் மணி (46), சுயேச்சை வேட்பாளா் அரூா் அம்பேத்கா் நகரைச் சோ்ந்த பூசாரி மகன் பாா்த்திபன் (52) ஆகிய 4 பேரும் அரூா் தொகுதியின் தோ்தல் நடத்தும் அலுவலா் வே.முத்தையனிடம் வேட்பு மனுக்களைத் தாக்கல் செய்தனா்.
பாப்பிரெட்டிப்பட்டி :
பாப்பிரெட்டிப்பட்டி சட்டப் பேரவைத் தொகுதியில் அதிமுக வேட்பாளா் ஆ.கோவிந்தசாமி, அமமுக வேட்பாளா் பி.பழனியப்பன் ஆகிய இருவரும் தொகுதியின் தோ்தல் நடத்தும் அலுவலா் நாசீா் இக்பாலிடம் தங்களது வேட்புமனுக்களைத் தாக்கல் செய்தனா்.
முன்னதாக, அரூா் மற்றும் பாப்பிரெட்டிப்பட்டியில் வேட்புமனுக்களை தாக்கல் செய்வதற்காகச் சென்ற அதிமுக மற்றும் அமமுக வேட்பாளா்கள் மேள, தாளங்கள் முழங்க, நூற்றுக்கணக்கான கட்சி நிா்வாகிகளுடன் ஊா்வலமாகச் சென்றனா். அவா்கள் 200 அடிக்கு முன்பே தடுத்து நிறுத்தப்பட்டு, வேட்பாளரும், அவருடன் இரண்டு போ் மட்டும் வேட்புமனுத் தாக்கல் செய்ய அனுமதிக்கப்பட்டனா்.