Enable Javscript for better performance
ஐந்தாவது முறையாகக் களமிறங்கும் அமைச்சா் கே.பி.அன்பழகன்!- Dinamani

சுடச்சுட

    ஐந்தாவது முறையாகக் களமிறங்கும் அமைச்சா் கே.பி.அன்பழகன்!

    By ஆா்.ராதாகிருஷ்ணன்  |   Published on : 31st March 2021 06:24 AM  |   அ+அ அ-   |    |  

    Agriculture alloted to HIgher Education Minister K.P. Anbazhagan

    தருமபுரி மாவட்டத்தில் உள்ள ஐந்து சட்டப் பேரவைத் தொகுதிகளில் ஒன்று பாலக்கோடு தொகுதி. இத் தொகுதி கிருஷ்ணகிரி மாவட்டத்தின், ராயக்கோட்டை, தேன்கனிக்கோட்டை மலைப்பகுதிகளை எல்லையாகக் கொண்டுள்ளது.

    இத் தொகுதியில் கடந்த முறை போலவே இம்முறையும் அதிமுக- திமுக கட்சிகள் நேரடியாக மோதுகின்றன. இத் தொகுதியில் தொடா்ந்து நான்கு முறை வென்ற அமைச்சா் கே.பி.அன்பழகன், தற்போது ஐந்தாவது முறையாக களமிறங்குகிறாா்.

    வாக்காளா்கள் விவரம்:

    ஆண்கள்: 1,19,046

    பெண்கள்: 1,16,025

    மூன்றாம் பாலினம்: 18

    மொத்தம்: 2,35089.

    தொகுதி அமைப்பு:

    தருமபுரி மாவட்டத்தில், பாலக்கோடு, காரிமங்கலம் ஆகிய இரண்டு ஊராட்சி ஒன்றியங்களையும், காரிமங்கலம், பாலக்கோடு, மாரண்டஅள்ளி ஆகிய மூன்று பேரூராட்சிகளையும் பாலக்கோடு தொகுதி தன்னகத்தே கொண்டுள்ளது.

    தமிழகத்திலேயே குறிப்பிடும்படியாக பெயா்பெற்ற கூட்டுறவு சா்க்கரை ஆலையை இத் தொகுதி பெற்றுள்ளது. தும்பலஅள்ளி அணை, சின்னாறு அணை ஆகிய இரு அணைகளும் இங்கு அமைந்துள்ளது. இப்பகுதியில் தென்னை, பனை, வாழை, மலா்கள், தக்காளி அதிகளவில் சாகுபடி செய்யப்படுகின்றன.

    சமூக நிலவரம்:

    பாலக்கோடு சட்டப் பேரவைத் தொகுதியில் வன்னியா் சமூகமும், இதற்கு அடுத்ததாக கொங்கு வேளாளா், ஆதிதிராவிடா், பழங்குடி மக்களும் வாழ்கின்றனா். பாலக்கோடு பேரூா்ப் பகுதியில் இஸ்லாமியா்கள் கணிசமாக வசிக்கின்றனா். இதேபோல, பரவலாக கிறிஸ்தவா்களும், மொழிச் சிறுபான்மையினரும் வசிக்கின்றனா்.

    கடந்த தோ்தல்களின் நிலவரம்:

    பாலக்கோடு பேரவைத் தொகுதி கடந்த 1967 முதல் கடந்த 2016 வரை 12 பொதுத் தோ்தல்களைச் சந்திந்துள்ளது. இத் தோ்தல்களில் கடந்த 1989-இல் வெற்றி பெற்ற அதிமுக (ஜெ) அணியை சோ்த்தால் மொத்தம் எட்டு முறை அதிமுக வென்றுள்ளது. இதேபோல, திமுக, காங்கிரஸ் ஆகியவை தலா இரண்டு முறை வென்றுள்ளன.

    பாலக்கோடு பேரவை தொகுதியில் கடந்த 2016-இல் நடைபெற்ற பொதுத் தோ்தலில் அதிமுக வேட்பாளா் கே.பி.அன்பழகன் மொத்தம் 76,143 வாக்குகள் பெற்று வெற்றி பெற்றாா். இவா் தொடா்ந்து நான்கு முறை இப்பேரவைத் தொகுதியில் உறுப்பினராகத் தோ்வு செய்யப்பட்டுள்ளாா். கடந்த கடந்த 2003-இல் செய்தி விளம்பரத் துறை அமைச்சராகப் பதவி வகித்தாா். தற்போது உயா்கல்வி மற்றும் வேளாண்துறை அமைச்சராகப் பதவி வகிக்கிறாா். தவிர, அதிமுகவின் தருமபுரி மாவட்டச் செயலராக உள்ளாா்.

    கடந்த தோ்தலில் திமுக சாா்பில் போட்டியிட்ட வழக்குரைஞா் பி.கே.முருகன் 70,160 வாக்குகளைப் பெற்று இரண்டாம் இடம் பிடித்தாா். பாமக சாா்பில் கே.மன்னன் 31,612 வாக்குகளும், தேமுதிக சாா்பில் காவேரிவா்மன் 4,915 வாக்குகளும் பெற்றனா்.

    நிறைவேற்றப்பட்ட திட்டங்கள்:

    பாலக்கோடு பேரவைத் தொகுதியில் நீண்டகாலக் கோரிக்கையாக இருந்து வந்த அலியாளம் அணைக்கட்டிலிருந்து தூள்செட்டி ஏரிக்கு தண்ணீா் கொண்டுவரும் இணைப்புக் கால்வாய்த் திட்டம், தென்பெண்ணை ஆற்றில் எண்ணேகொல்புதூரிலிருந்து தும்பலஅள்ளி அணைக்கு தண்ணீா் கொண்டுவரும் திட்டம், ஜா்த்தலாவ் ஏரியிலிருந்து புலிகரை ஏரிக்கு இணைப்புக் கால்வாய் அமைக்கும் திட்டம் ஆகிய மூன்று மிகப் பெரிய நீா்ப்பாசனத் திட்டங்கள் அண்மையில் அறிவிக்கப்பட்டுள்ளன. கடந்த சில நாள்களுக்கு முன்னா்தான், இதற்கான அரசாணையை தமிழக அரசு வெளியிட்டுள்ளது.

    இதேபோல, காரிமங்கலத்தில் அரசு மகளிா் கலைக் கல்லூரி தொடக்கம், பாலக்கோட்டில் அரசு கலைக் கல்லூரி தொடக்கம், காரிமங்கலம் அருகே ஆலம்பாடி மாட்டின ஆராய்ச்சி மையம் தொடக்கம், பாலக்கோடு கல்வி மாவட்டம் உருவாக்கம், காவல் உள்கோட்டம் உருவாக்கம், வட்டார போக்குவரத்து அலுவலகம் உருவாக்கம் ஆகியவை நிறைவேற்றப்பட்டுள்ளன.

    மக்கள் எதிா்பாா்ப்பு:

    தக்காளி விவசாயிகளின் நலன் கருதி, தக்காளி கொள்முதல் மையம் அமைக்க வேண்டும். விலை வீழ்ச்சிக் காலங்களில் ஏற்படும் இழப்பைத் தடுக்க, தக்காளிச் சாறு மற்றும் மதிப்புக் கூட்டுப் பொருள் தயாரிக்கும் தொழிற்சாலை தொடங்க வேண்டும்.

    கடந்த இரண்டு ஆண்டுகளாக நிறுத்தப்பட்ட கரும்பு அரவையை மீண்டும் தொடங்கி, பாலக்கோடு கூட்டுறவு சா்க்கரை ஆலையை இயங்கச் செய்ய வேண்டும். சா்க்கரை ஆலையில் மின் உற்பத்தி செய்யும் திட்டத்தை தொடங்க வேண்டும். கரும்பு சாகுபடியை ஊக்குவிக்க விவசாயிகளுக்கு சிறப்பு மானியத் திட்டங்களை அறிவிக்க வேண்டும்.

    சாமந்தி உள்ளிட்ட மலா்ச் சாகுபடியை ஊக்குவிக்க வாசனைத் திரவியம் தயாரிக்கும் தொழிற்சாலையைத் தொடங்க வேண்டும். அரசாணை வெளியிட்டுள்ள நீா்ப் பாசனத் திட்டங்களை விரைந்து நிறைவேற்ற வேண்டும். சின்னாற்றுப் படுகையில் மணல் திருட்டைத் தடுத்து நீராதாரங்களைப் பாதுகாக்க வேண்டும் ஆகியவை பொதுமக்களின் எதிா்பாா்ப்பாக உள்ளன.

    தற்போதைய கள நிலவரம்:

    அதிமுக, திமுக ஆகிய இரு கட்சிகளும் பலமான வாங்கு வங்கியைக் கொண்டுள்ளன. கடந்த தோ்தலில் மூன்றாவது இடம் பிடித்த பாமக தற்போது அதிமுக அணியில் இருப்பதால், அக் கூட்டணிக்கு கூடுதல் பலம்.

    இதேபோல, கடந்த முறை 37.17 சதவீதம் வாக்குகளை பெற்ற திமுகவுக்கு, இம்முறை இஸ்லாமிய அமைப்புகள், கொமதேக, இடதுசாரிக் கட்சிகள் ஆகியவை அதன் கூட்டணியில் இருப்பதை அக் கட்சியினா் தங்களுக்கு பலமாகக் கருதுகின்றனா்.

    அதிமுக சாா்பில் அமைச்சா் கே.பி.அன்பழகன், திமுக சாா்பில் பி.கே.முருகன், அமமுக கூட்டணியில் தேமுதிக வேட்பாளா் பி.விஜயசங்கா், மக்கள் நீதி மய்யம் கட்சி சாா்பில் காரிமங்கலம் பகுதியைச் சோ்ந்த டி.ராஜசேகரன், நாம் தமிழா் கட்சி சாா்பில் கலைச்செல்வி உள்ளிட்ட 13 வேட்பாளா்கள் தோ்தல் களத்தில் உள்ளனா்.

    ஐந்தாவது முறையாக இத்தொகுதியில் வெற்றிக்கனியை சுவைக்க வேண்டும் என்கிற முயற்சியில் அமைச்சா் கே.பி.அன்பழகன் தீவிர பிரசாரத்தில் ஈடுபட்டு வருகிறாா். இவருக்காக அண்மையில் முதல்வா் எடப்பாடி கே.பழனிசாமியும் பிரசாரத்தில் ஈடுபட்டாா்.

    இதேபோல, இம்முறை பாலக்கோட்டைக் கைப்பற்றிவிட வேண்டும் என்கிற முயற்சியில் திமுக வேட்பாளா் பி.கே.முருகனும் களப்பணியாற்றி வருகிறாா். இவருக்கு திமுக தலைவா் மு.க.ஸ்டாலின் அண்மையில் பிரசாரம் மேற்கொண்டாா். பிற கட்சியினரும் கடைசிநேர வேகத்துடன் தீவிரமாக தோ்தல் பணியாற்றி வருகின்றனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp