தமிழக முதல்வா் மு.க.ஸ்டாலின் கையெழுத்திட்டு அறிவித்துள்ள புதிய திட்டங்களுக்கு புரட்சிகர சோஷலிஸ்ட் கட்சி வரவேற்பு தெரிவித்துள்ளது.
இதுகுறித்து அக் கட்சியின் தருமபுரி மாவட்டச் செயலா் இ.பி.புகழேந்தி வெள்ளிக்கிழமை வெளியிட்ட செய்தியறிக்கை:
தமிழக சட்டப் பேரவைத் தோ்தலில் திமுக கூட்டணி வெற்றி பெற்று ஆட்சியமைத்தது. இதைத் தொடா்ந்து தமிழக முதல்வராக திமுக தலைவா் மு.க.ஸ்டாலின் பதவியேற்றாா். இதையடுத்து பால்விலை குறைப்பு, குடும்ப அட்டைதாரா்களுத்கு கரோனா நிவாரண நிதி ரூ. 4 ஆயிரம், மகளிருக்கு நகரப் பேருந்துகளில் இலவச பயணம் உள்ளிட்ட திட்டங்களுக்கு முதல்வா் மு.க.ஸ்டாலின் கையெழுத்திட்டாா். முதல் நாளிலேயே மக்கள் நலத்திட்டங்களை அறிவித்துள்ளதை வரவேற்கிறோம். இதேபோல மக்களுக்களித்த அனைத்து வாக்குறுதிகளையும் முக்கியத்துவத்தை பொறுத்து நிறைவேற்ற நடவடிக்கை எடுக்க வேண்டும் என்றாா்.