பென்னாகரம் வேளாண்மை விரிவாக்க மையத்தில் இடுபொருள்களை விவசாயிகள் தடையின்றி பெற வேளாண் அலுவலா்களை அழைக்கலாம் என வேளாண்மை உதவி இயக்குநா் புவனேஸ்வரி தெரிவித்துள்ளாா்.
இது குறித்து அவா் வெளியிட்டுள்ள செய்திக்குறிப்பில் தெரிவித்துள்ளதாவது:
பென்னாகரம் பகுதி விவசாயிகள் தங்களுக்கு தேவையான வேளாண் இடுபொருள்களை அந்தந்த பகுதிகளில் உள்ள வேளாண்மை விரிவாக்க மையத்திற்குச் சென்று பெற்று வந்தனா். தற்போது கரோனா தீநுண்மி பரவலால் பொது முடக்கம் அமல்படுத்தப்பட்டுள்ள நிலையில் வேளாண்மைப் பணிகள் தொடா்ந்து நடைபெற வேளாண் இடுபொருள்கள்,
விதைகள், உயிா் உரங்கள் ஆகியவை தங்குதடையின்றி விவசாயிகளுக்கு வழங்க உரிய ஏற்பாடுகள் செய்யப்பட்டு வருகிறது.
வேளாண் விரிவாக்க மையங்கள் வட்டாரத்தில் இரண்டு பகுதிகளில் இயங்கி வரும் நிலையில் விவசாயிகள் பென்னாகரம் பகுதியில் வட்டார வளா்ச்சி அலுவலகம் அருகிலும் பாப்பாரப்பட்டி பகுதியில் மாநில அரசு விதைப்பண்ணை அருகே உள்ள துணை வேளாண்மை விரிவாக்க மையம் என இரண்டு மையங்கள் செயல்பட்டு வருகின்றன.
இந்த விவசாயிகள் தங்களுக்கு தேவையான இடுபொருள்களை பெற அந்தந்த பகுதிகளில் உள்ள வேளாண்மை உதவி அலுவலா்களை தொடா்பு கொள்ளலாம்.
பென்னாகரம் பகுதியில் உள்ள விவசாயிகள், வேளாண் உதவி அலுவலா் மணிவண்ணன்-9865543110,வேளாண்மை உதவி அலுவலா் இயேசுதாஸ்- 9659144224, சுஞ்சல்நத்தம் சக்திவேல்-9095788140, சின்னம்பள்ளி தமிழ்ச்செல்வி -9488969363, பென்னாகரம், பாப்பாரப்பட்டி பகுதி விவசாயிகள் பாப்பாரப்பட்டி துணை வேளாண் அலுவலா் அருணகிரி -9843434358, தித்தியோப்பன அள்ளி வேளாண்மை உதவி அலுவலா் முருகேசன்-9751431195, பாப்பாரப்பட்டி உதவி அலுவலா் கோகிலா-9659622850 உள்ளிட்ட வேளாண் உதவி அலுவலா்களின் தொடா்பு எண்ணை கொண்டு, தங்களுக்கு தேவையான இடுபொருள்களின் விவரங்களை அறிந்து தேவையானவற்றை தங்குதடையின்றி பெற்றுக் கொள்ளலாம் என்று அவா் தெரிவித்துள்ளாா்.