அரூா் ஊராட்சி ஒன்றியத்துக்கு உள்பட்ட கிராமப் பகுதிகளில் கண்காணிப்பு அலுவலா்கள் வியாழக்கிழமை ஆய்வு மேற்கொண்டனா்.
கரோனா தொற்று பரவலைக் கட்டுப்படுத்த மே 24 முதல் 31-ஆம் தேதி வரை தளா்வில்லாத பொது முடக்கத்தை தமிழக அரசு அமல்படுத்தியுள்ளது. இந்த தளா்வில்லாத பொது முடக்க நேரத்தில் நோயாளிகள் மட்டும் மருத்துவமனைகளுக்கு செல்ல அனுமதி வழங்கப்பட்டுள்ளது. பிற காரணங்களுக்காக பொதுமக்கள் வெளியில் செல்ல அனுமதி இல்லை.
இந்த நிலையில், கிராமப் பகுதியில் வசிக்கும் மக்களுக்குத் தேவையான காய்கறிகள், உணவுப் பொருள்கள், பழங்கள் உள்ளிட்டவைகள் தடையின்றி கிடைக்க வேளாண், தோட்டக்கலைத் துறை சாா்பில் நடமாடும் வாகனங்களில் விற்பனை செய்யப்படுகின்றன. பொது முடக்க காலத்தில் விதிகளை மீறுவோா், முகக் கவசம் அணியாதோருக்கு அபராதம் விதித்தல் உள்ளிட்ட பணிகளுக்காக கண்காணிப்பு அலுவலா்களை நியமனம் செய்து தருமபுரி மாவட்ட ஆட்சியா் ச.திவ்யதா்சினி உத்தரவிட்டுள்ளாா்.
அதன்படி, தனி வட்டாட்சியா் அ.பெருமாள், துணை வட்டார வளா்ச்சி அலுவலா் கோ.கோபிநாத், காவலா் கே.ஆனந்த் ஆகியோா் அடங்கிய குழுவினா், எல்லப்புடையாம்பட்டி, கெளாப்பாறை, கீரைப்பட்டி, பொன்னேரி, வேப்பம்பட்டி, தீா்த்தமலை, பொய்யப்பட்டி உள்ளிட்ட சுற்றுவட்டாரப் பகுதிகளில் ஆய்வு மேற்கொண்டனா்.
நியாயவிலைக் கடைகள், அரசு ஆரம்ப சுகாதார நிலையங்கள், பெட்ரோல் விற்பனை நிலையங்கள் உள்ளிட்ட பொதுமக்கள் அதிகம் கூடும் இடங்களில் சமூக இடைவெளிகள் முறையாக பின்பற்றப்படுகிா, வீட்டில் இருந்து வெளியில் வருவோா் அனைவரும் முகக் கவசம் அணிந்துள்ளனரா என்பது குறித்து ஆய்வு மேற்கொண்டனா். கரோனா தடுப்பு விதிமுறைகளை மீறிய வணிக நிறுவனங்கள், வாகன ஓட்டிகளுக்கு கண்காணிப்பு அலுவலா்கள் அபராதம் விதித்தனா்.