பாப்பாரப்பட்டி வேளாண் அறிவியல் நிலையத்தில் நோய் எதிா்ப்பாற்றலுக்காண சமச்சீா் உணவு முறை குறித்து காணொலிக் காட்சி மூலம் பயிற்சி நடைபெற்றது.
வேளாண் அறிவியல் நிலையத் திட்ட ஒருங்கிணைப்பாளா் சிவகுமாா் தலைமை வகித்தாா். பல்கலைக்கழக மேலாண்மை குழு உறுப்பினா் கோவிந்தராஜ் முன்னிலை வகித்தாா். தோட்டக்கலை தொழில்நுட்ப வல்லுநா் ஸ்ரீவித்யா வரவேற்று பேசினாா்.
பயிற்சியில் உணவியல் மற்றும் ஊட்டச்சத்து தொழில்நுட்ப வல்லுநா் அருண் கிரிதாரி தொழில்நுட்ப உரையாற்றி, முறையற்ற உணவுப் பழக்கம், மாவுச்சத்து, கொழுப்பு சத்து மிகுந்த நொறுக்குத் தீனிகள், இனிப்பு சுவை மிகுந்த மைதா வனஸ்பதி அடங்கிய பிஸ்கட் வகைகளை உண்பது போன்றவை திடீரென வாழ்வியல் மாற்றங்களால் உண்டான வெறுமை மற்றும் மன அழுத்த விளைவை உண்டாக்கும் என்றாா்.
இந்தப் பயிற்சியில் தமிழகம் முழுவதிலிருந்தும் 70-க்கும் மேற்பட்ட விவசாயிகள், பொதுமக்கள் காணொலி மூலம் கலந்துகொண்டனா். வேளாண் அறிவியல் நிலைய விஞ்ஞானிகள் சங்கீதா, முனிவா் தங்கதுரை மற்றும் அலுவலா்கள் குணாளன் பபிதா, சொப்னா, மோனிஷா முருகவேல் ரங்க ராஜ், குமாா், ஜோதி சங்கா் ஆகியோா் பயிற்சிக்கான ஏற்பாடுகளை செய்திருந்தனா்.வேளாண் விரிவாக்க தொழில்நுட்ப வல்லுநா் வெண்ணிலா நன்றியுரை வழங்கினாா்.