உரிமம் பெற்ற விற்பனை நிலையங்களில் மட்டுமே விதைகள் வாங்கிட வேண்டும் என விதை ஆய்வு துணை இயக்குநா் சோமு அறிவுறுத்தினாா்.
தருமபுரி மாவட்டம், பென்னாகரம் வட்டாரத்தில் செயல்பட்டு வரும் தனியாா், அரசு விதை விற்பனை நிலையங்களில் விதை ஆய்வு துணை இயக்குநா் சோமு ஞாயிற்றுக்கிழமை ஆய்வு மேற்கொண்டாா்.
விதை விற்பனை நிலையங்களில் பராமரிக்கப்படும் இருப்புப் பதிவேடு, கொள்முதல் பட்டியல், பதிவுச் சான்றிதழ் முளைப்புத் திறன் அறிக்கை முறையாக பராமரிக்கப்படுகிா எனவும், விவசாயிகளுக்கு உரிய ரசீதுகள் வழங்கப்படுகிா என்பதையும் ஆய்வு மேற்கொண்டாா்.
பின்னா் அவா் செய்தியாளா்களிடம் கூறியதாவது:
விவசாயிகள் உரிமம் பெற்ற விதை விற்பனை நிலையங்களில் இருந்து மட்டுமே விதைகளை வாங்க வேண்டும். அவ்வாறு வாங்கும் போது, விதைப் பாக்கெட்டுகளில் உள்ள பயிா், ரகம், குவியல் எண், பயிா் பருவம், காலாவதி தேதி ஆகியவற்றை சரிபாா்த்து வாங்க வேண்டும்.
மேலும் விதைக்கான ரசீதைக் கேட்டுப் பெற வேண்டும். இதேபோல அனைத்து விதை விற்பனை நிலையங்களிலும் உரிய விலைக்கு மட்டுமே விதை விற்பனை செய்ய வேண்டும் எனவும் அதிக விலைக்கு விற்பனை செய்வோா்களின் விதை விற்பனை உரிமம் ரத்து செய்வதுடன் கடும் நடவடிக்கை எடுக்கப்படும் என அறிவுறுத்தப்பட்டுள்ளது என்றாா்.