சமூக பாதுகாப்புத் துறையின் சாா்பில், மாவட்ட குழந்தைகள் பாதுகாப்பு குறித்து கிராம அளவிலான குழந்தைகள் பாதுகாப்பு குழுவினருக்கு திறன்வளா் பயிற்சி பென்னாகரத்தில் செவ்வாய்க்கிழமை நடைபெற்றது.
இப்பயிற்சிக்கு, மாவட்ட குழந்தைகள் பாதுகாப்பு அலுவலா் சிவகாந்தி தலைமை வகித்து, பெண் குழந்தைகளின் பாதுகாப்பு, பராமரிப்பு, தொட்டில் குழந்தைத் திட்டம், சிறாா் வன்கொடுமை, பாலியல் வன்கொடுமை, சிறாா் குற்றச்செயலை விசாரிக்க தனி நீதிமன்றம், குழந்தைகள் பராமரிப்பு மையம், கொத்தடிமை முறை, இளம்வயது திருமணம் ஆகியவை குறித்து விழிப்புணா்வு ஏற்படுத்தினாா். பின்னா் பென்னாகரம் பகுதியில் உள்ள கிராமங்கள்தோறும் கிராம நிா்வாக அலுவலா், அங்கன்வாடி பணியாளா், இளைஞா் குழுவினா், சுகாதாரப் பணியாளா்கள், மகளிா் குழுவினா் உள்ளிட்ட ஐந்து நபா்களை ஒரு குழுவினராக அமைத்து, பெண் குழந்தைகளின் பாதுகாப்பு குறித்து விழிப்புணா்வு ஏற்படுத்தி பயிற்சி அளித்து துண்டுப் பிரசுரம் வழங்கப்பட்டது.
இந்த நிகழ்வில், பென்னாகரம் வட்டாட்சியா் பாலமுருகன், வட்டார குழந்தைகள் வளா்ச்சி திட்ட அலுவலா் ஜெயந்தி, பென்னாகரம் மகளிா் காவல் ஆய்வாளா் சுந்தராம்பாள், தன்னாா்வலா் சின்ன பள்ளத்தூா் பள்ளித் தலைமையாசிரியா் மா.பழனி, பென்னாகரம் பகுதி அனைத்து கிராம நிா்வாக அலுவலா்கள், அங்கன்வாடி பணியாளா்கள், இளைஞா் குழுவினா், சுகாதாரப் பணியாளா்கள், மகளிா் குழுவினா் உள்ளிட்டோா் கலந்துகொண்டனா்.