தருமபுரி, அன்னசாகரத்தில் உள்ள சிவசுப்பிரமணிய சுவாமி கோயிலில் 20 கிலோ வெள்ளி நகைகள் திருடு போனது குறித்து போலீஸாா் விசாரணை மேற்கொண்டு வருகின்றனா்.
அன்னாகரத்தில் உள்ள சிவசுப்பிமணிய சுவாமி கோயிலில், தண்டபாணி (60) அா்ச்சகராக பணியாற்றி வருகிறாா். செவ்வாய்க்கிழமை இரவு பூஜைகளை முடித்து விட்டு வழக்கம் போல கோயிலை பூட்டி அா்ச்சகா் வீட்டுக்குச் சென்றுள்ளாா்.
புதன்கிழமை காலை கோயிலை திறந்த போது, அங்கிருந்த பீரோக்கள் உடைக்கப்பட்டு பொருள்கள் சிதறிக் கிடந்துள்ளன. இதுகுறித்து அவா் அளித்த தகவலின் பேரில், இந்து சமய அறநிலையத் துறை உதவி ஆணையா் பிரகாஷ், காவல் துணை கண்காணிப்பாளா் அண்ணாதுரை, செயல் அலுவலா் விமலா, தருமபுரி நகர காவல் ஆய்வாளா் சரவணன், போலீஸாா் கோயிலுக்கு நேரில் சென்று பாா்வையிட்டு விசாரணை மேற்கொண்டனா்.
விசாரணையில், கோயிலில் இருந்த சிவப்பு கல் பதித்த நான்கு வெள்ளிக் கீரிடம் உள்பட 20 கிலோ வெள்ளிப் பொருள்கள், தங்கத் தாலி மாயமானது தெரியவந்தது. இதுதொடா்பாக போலீஸாா் தொடா் விசாரணை மேற்கொண்டு வருகின்றனா்.