தின்னப்பட்டி பிரிவு சாலையை அகலப்படுத்த வலியுறுத்தல்

அரூா் - தருமபுரி சாலையில் உள்ள தின்னப்பட்டி பிரிவு சாலையை அகலப்படுத்த வேண்டும் என பொதுமக்கள் வலியுறுத்தினா்.

தருமபுரி மாவட்டம், அரூா் - தருமபுரி நெடுஞ்சாலையில் அமைந்துள்ளது தின்னப்பட்டி பிரிவு சாலை. இந்தச் சாலையை அரூா், பாப்பிரெட்டிப்பட்டி, பொம்மிடி, கடத்தூா், மொரப்பூா், சிந்தல்பாடி வட்டாரப் பகுதிகளைச் சோ்ந்த பொதுமக்கள் பயன்படுத்தி வருகின்றனா். அரூா் - தருமபுரி நெடுஞ்சாலையில் நாள்தோறும் ஆயிரக்கணக்கான வாகனங்கள் செல்கின்றன.

இந்த நிலையில், மூக்கனூா்பட்டி ஊராட்சி, தின்னப்பட்டி பிரிவு சாலையில், தாா் சாலையானது அதிக வளைவாக இருப்பதால், இப் பகுதியில் அடிக்கடி வாகன விபத்துகள் நேரிடுகின்றன. வனப்பகுதி வழியாக இந்த தாா்சாலை செல்வதால் வாகன ஓட்டிகள் நாள்தோறும் பல்வேறு இன்னல்களை சந்திக்கின்றனா். எனவே, அரூா் - தருமபுரி நெடுஞ்சாலையில் உள்ள தின்னப்பட்டி பிரிவு சாலையை அகலப்படுத்த வேண்டும் என பொதுமக்கள் கோரிக்கை விடுத்துள்ளனா்.