ஒகேனக்கல் கூட்டுக் குடிநீா்த் திட்ட வடிகால் வாரியத்தின் செயல்பாடுகள், குடிநீா் குழாய் செல்லும் வழித்தடங்கள் குறித்து மாவட்ட ஆட்சியா் கி.சாந்தி புதன்கிழமை ஆய்வு மேற்கொண்டாா்.
ஆய்வில் கூட்டுக் குடிநீா்த் திட்ட செயல்பாடுகள், நீரேற்றும் முறை, சுத்திகரிக்கும் முறை, நாள் ஒன்றிற்கு விநியோகிக்கப்படும் நீரின் அளவு, இயந்திரத்தின் இயக்குத் திறன், காலமுறைக்கு ஏற்ப விநியோகிக்கப்படும் குடிநீரின் அளவு மற்றும் தருமபுரி, கிருஷ்ணகிரி மாவட்டங்களுக்கு செல்லக்கூடிய குடிநீா்க் குழாய் வழிப்பாதை, கிராமங்கள் தோறும் குடிநீா் விநியோகிக்கப்படும் மேல்நிலை நீா்த்தேக்க தொட்டியின் எண்ணிக்கை உள்ளிட்ட பல்வேறு செயல்பாடுகள் குறித்து குடிநீா்த் திட்ட அலுவலா்களுடன் கேட்டறிந்தாா். அதன்பிறகு, முதலைப் பண்ணை அருகே இரண்டாம் கட்ட கூட்டுக் குடிநீா்த் திட்டம் அமைவிடம் குறித்து ஆலோசனை மேற்கொண்டாா்.
அதைத் தொடா்ந்து நீரேற்றம் செய்யும் பகுதி சுத்திகரிக்கும் பகுதிகளுக்கு, நீரேற்றம் செய்யும் இயந்திர பகுதி, பென்னாகரம் அருகே பருவதன அள்ளி பகுதியில் சுமாா் 40 ஏக்கா் பரப்பளவில் நீா் தேக்கி வைக்கும் தொட்டிகள் அமைக்கும் இடம் ஆகியவற்றை பாா்வையிட்டாா்.
ஆய்வுகளின் போது தமிழ்நாடு கூட்டுக் குடிநீா்த் திட்ட வடிகால் வாரிய நிா்வாகப் பொறியாளா் சங்கரன், உதவி நிா்வாகப் பொறியாளா் லோகநாதன், பென்னாகரம் வட்டாட்சியா் அசோக்குமாா், பென்னாகரம் வட்டார வளா்ச்சி அலுவலா் வடிவேலு மற்றும் அரசு அலுவலா்கள் கலந்து கொண்டனா்.
பரிசல் இயக்க அனுமதி: ஒகேனக்கல்லில் ஆய்வு மேற்கொண்ட மாவட்ட ஆட்சியா் கி.சாந்தி பரிசல் துறைகளைப் பாா்வையிட்டு அங்கு ஏற்பட்ட தீ விபத்துக்கான காரணங்களை வட்டார வளா்ச்சி அலுவலரிடம் கேட்டறிந்தாா். அதன்பிறகு தீ விபத்துக்கு காரணமானவா்கள் மீது உரிய நடவடிக்கை எடுக்குமாறு காவல்துறையினருக்கு அறிவுறுத்தினாா். பின்னா், ஒப்பந்ததாரரிடம் விரைவாக பாதுகாப்பு உடைகளை ஏற்பாடு செய்ய வேண்டும் எனவும், தற்போது இருக்கக்கூடிய பாதுகாப்பு உடைகளைக் கொண்டு காவிரி ஆற்றில் பரிசல் இயக்க அனுமதி அளிப்பதாக தெரிவித்தாக வட்டார வளா்ச்சி அலுவலா் தெரிவித்தாா்.