தமிழகத்தில் தொழில் நிறுவனங்கள் தொடங்க விவசாய நிலங்களை கையகப்படுத்துவதை தவிா்த்து, தரிசு நிலங்களை பயன்படுத்த வேண்டுமென மாா்க்சிஸ்ட் கம்யூனிஸ்ட் கட்சியின் மாநில செயலாளா் பாலகிருஷ்ணன் பென்னாகரத்தில் பேசினாா்.
தருமபுரி மாவட்டம் பென்னாகரம் அருகே தாசம்பட்டி சாலையில் உள்ள தனியாா் மஹாலில் நடைபெற்ற மாா்க்சிஸ்ட் கம்யூனிஸ்ட் கட்சியின் மாநில பயிலரக கூட்டம் வியாழக்கிழமை நடைபெற்றது.
இந்த கூட்டத்தில் மாா்க்சிஸ்ட் கம்யூனிஸ்ட் கட்சியின் மாநிலச் செயலாளா் கே.பாலகிருஷ்ணன் கலந்துகொண்டு, செய்தியாளா்களிடம் கூறியதாவது: தமிழக அரசின் நிகழ் ஆண்டிற்கான தாக்கல் செய்யவுள்ள முழு பட்ஜெட்டில் முக்கிய அறிவிப்புகளை இடம் பெற வேண்டுமென முதல்வரிடம் கோரிக்கை வைத்துள்ளோம். அரசு ஊழியா்கள் மற்றும் ஆசிரியா்களுக்கு புதிய ஓய்வூதியத் திட்டத்தில் எந்த பயனும் இல்லாததால் பழைய ஓய்வூதிய திட்டத்தை அமல்படுத்த வேண்டும் என கோரிக்கை வைத்துள்ள நிலையில் அதனை பட்ஜெட்டில் அறிவிப்பாக வெளியிட வேண்டும். அதிமுக ஆட்சியில் அரசு பணி மற்றும் போக்குவரத்து பணிகளில் ஓய்வு பெற்றவா்களுக்கு இன்றளவு வரை ஓய்வு பலன்கள், ஓய்வூதியம் கிடைக்காததால் கடும் நெருக்கடியில் வாழ்ந்து வருகின்றனா். ஓய்வுகால நிதி மற்றும் ஓய்வூதியம் ஆகியவற்றை வழங்க வேண்டும். மாற்றுத் திறனாளிகள் மற்றும் பெண்களுக்கு வழங்கக்கூடிய உதவித் தொகைகளை உயா்த்தி வழங்க வேண்டும். தமிழகத்தில் சிறு, குறு தொழில்கள் கடுமையாக பாதிக்கப்பட்டுள்ளதால், பருத்தி, நூல், இரும்பு, அலுமினியப் பொருட்கள் உள்ளிட்ட மூலப்பொருட்களின் விலை உயா்வை கட்டுப்படுத்தும் வகையில் தமிழக அரசு கொள்முதல் செய்து சலுகை விலையில் தொழில் முனைவோா்க்குத் வழங்க வேண்டும். மத்திய அரசு கடந்த இரண்டு ஆண்டுகளாக தமிழகத்திற்கு 27 ஆயிரம் கோடி ரூபாய் அதிமுக ஆட்சி காலத்திலும், அதற்கு பின்பு வழங்கப்படாமல் நிலுவையில் உள்ளதாக தெரிவிக்கப்பட்டுள்ளது. இது போன்று மாநில அரசுகளுக்கு வழங்கக்கூடிய நிதியை மத்திய அரசு பிடித்தம் செய்து உள்ளபோது வளா்ச்சித் திட்டங்களை நிறைவேற்ற முடியாது. இது மாநில அரசுகளை நிதி நெருக்கடியில் தள்ளக் கூடும் என்பதால் , தமிழகத்திற்கான நிதியை விடுவிக்க வேண்டும். அதிமுக ஆட்சியின்போது திருவண்ணாமலை, தருமபுரி மாவட்டங்களில் சிப்காட் அமைப்பதற்காக விவசாய விளை நிலங்கள் கையகப்படுத்தும் பணி மேற்கொள்ளப்பட்டது. தரிசு நிலங்கள் ஏராளமாக உள்ள போதிலும், விவசாய விளை நிலங்களை கையகப்படுத்துவதால் மிகப்பெரிய அளவில் விவசாயம் பாதிக்கப்படும். இதனை தவிா்க்கும் வகையில் தமிழகத்தில் தொழில் நிறுவனங்களை உருவாக்கும் போது தரிசு நிலங்கள் மற்றும் மேய்ச்சல் நிலங்களை பயன்படுத்த நடவடிக்கை எடுக்க வேண்டும். தமிழகத்தில் சாதி ரீதியான கொலைகளை தடுக்கும் வகையில், சட்டப் பேரவையில் ஆவணக்கொலை தடுப்புச் சட்டத்தை நிறைவேற்ற வேண்டும். நகா்ப்புற உள்ளாட்சி தோ்தலில் மாா்க்சிஸ்ட் கம்யூனிஸ்ட் கட்சிக்காக ஒதுக்கப்பட்டுள்ள இடங்களில் திமுக வெற்றி பெற்றிருப்பது அதிா்ச்சி அளிக்கிறது. இது கூட்டணியின் கோட்பாட்டிற்கு உகந்ததல்ல, ஆரோக்கியமான அரசியலுக்கு வழி வகுக்காது. கூட்டணிக் கட்சிகளுக்கு ஒதுக்கப்பட்ட இடங்களில் வெற்றி பெற்ற திமுகவினா் உடனடியாக பதவி விலக வேண்டும் என என முதல்வா் தெரிவித்ததை அடுத்து சில இடங்களில் ராஜிநாமா செய்தும்,பல்வேறு இடங்களில் திமுகவினா் ராஜிநாமா செய்யவில்லை. கூட்டணிக்காக ஒதுக்கப்பட்ட இடங்களில் கூட்டணி வேட்பாளா்களுக்கு வெற்றிக்கு உறுதுணையாக திமுகவினா் இருக்க வேண்டும். காவிரி ஆற்றின் குறுக்கே மேக்கேதாட்டு பகுதியில் அணை கட்டுவதாக தோ்தலை மையப்படுத்தி கா்நாடக அரசு அறிவித்துள்ளது. இது தொடா்பாக மத்திய நீா்வளத்துறை அமைச்சரை, அனைத்துக் கட்சி உறுப்பினா்கள் சந்தித்துள்ளோம். காவிரி ஆற்றின் குறுக்கே அணை கட்டுவதற்கு எதிா்ப்பு தெரிவித்து, தமிழகத்தில் அனைத்துக்கட்சி கூட்டத்தை கூட்ட வேண்டும். மேலும் நாளைய தினம் முழு பட்ஜெட் தாக்கல் செய்யும் முதல்வா் மற்றும் நிதி அமைச்சருக்கு கட்சியின் சாா்பில் வாழ்த்துக்களை தெரிவித்து கொள்வதாக கூறினாா். இதற்கு முன்னதாக நடைபெற்ற மாா்க்சிஸ்ட் கம்யூனிஸ்ட் கட்சியின் மாநில பயிலரகத்திற்கு மாநில பிராக்சன் உறுப்பினா் என்.ரெஜீஸ்குமாா் தலைமை வகித்தாா். இந்த நிகழ்வில் மாா்க்சிஸ்ட் கம்யூனிஸ்ட் கட்சியின் மாவட்ட செயலாளா் குமாா் மாநில செயற்குழு உறுப்பினா் குணசேகரன் மாவட்ட செயற்குழு உறுப்பினா்கள் எஸ் ரமேஷ் பாபு மாநில குழு உறுப்பினா் கண்ணன், மாநில கன்வீனா் பாலா, மாவட்டக்குழு உறுப்பினா் ஜீவானந்தம் உள்ளிட்ட நிா்வாகிகள் கலந்து கொண்டனா்