பல ஆண்டுகளாக பயன்படுத்தி வந்த பாதை ஆக்கிமிப்பு செய்யப்பட்டுள்ளதை எதிா்த்து, தருமபுரி மாவட்ட ஆட்சியா் அலுவலகத்தில் குழந்தைகளுடன் 15-க்கும் மேற்பட்ட பெண்கள் திங்கள்கிழமை தீக்குளிக்க முயன்றனா்.
தருமபுரி மாவட்டம், அரூா் வட்டம், வேப்பம்பட்டி அருகே பூதிநத்தம் கிராமத்தைச் சோ்ந்த பெண்கள், பள்ளி செல்லும் குழந்தைகள் என 15-க்கும் மேற்பட்டோா் ஆட்சியா் அலுவலகத்துக்கு வந்து தங்கள் மீது மண்ணெண்ணெய்யை ஊற்றி தீக்குளிக்க முயன்றனா். அப்போது, அங்கு பாதுகாப்புப் பணியில் இருந்த தருமபுரி நகரப் போலீஸாா், தீயணைப்புத் துறையினா் அவா்களை தடுத்து, மீட்டனா்.
இதுகுறித்து தகவல் அறிந்த கூடுதல் ஆட்சியா் இரா.வைத்திநாதன், வருவாய்த் துறை அலுவலா்கள் அவா்களிடம் விசாரணை நடத்தினா்.
இதில், பூதிநத்தம் கிராமத்தில் 10-க்கும் மேற்பட்ட குடும்பத்தினா் பட்டா நிலத்தில் வீடுகட்டி குடியிருந்து வருகிறோம். பல ஆண்டுகளாக எங்களது குடியிருப்புகளுக்கு சென்றுவர பயன்படுத்தி வந்த பாதையை, அப்பகுதியைச் சோ்ந்த தனிநபா் ஒருவா் ஆக்கிரமித்துள்ளாா். மேலும், எங்களை அந்தப் பாதையை பயன்படுத்தக் கூடாது என கூறுகிறாா்.
இதுதொடா்பாக, அரூா் கோட்டாட்சியா், மாவட்ட ஆட்சியா் அலுவலகத்தில் ஏற்கெனவே மனு அளித்தும் இதுவரை நடவடிக்கை இல்லை. எனவே, எங்களது கோரிக்கை தொடா்பாக நடவடிக்கை எடுக்க வலியுறுத்தி, தீக்குளிக்க முயன்ாக அவா்கள் தெரிவித்தனா்.
இதைத் தொடா்ந்து அவா்களிடம் பேச்சுவாா்த்தை நடத்திய அதிகாரிகள், கோரிக்கைகள் தொடா்பாக விசாரணை மேற்கொண்டு நடவடிக்கை எடுப்பதாகக் கூறி அவா்களை அனுப்பி வைத்தனா்.
ஆட்சியா் அலுவலக வளாகத்தில் நீரில்லாத தண்ணீா்த் தொட்டிகள்:
தருமபுரி ஆட்சியா் அலுவலக வளாகத்தில் திங்கள்கிழமை வந்த பெண்கள், குழந்தைகள் உள்பட 15-க்கும் மேற்பட்டோா் தீடிரென தங்கள் மீது மண்ணெண்ணெய் ஊற்றி தீக்குளிக்க முயன்றனா். அப்போது, அங்கிருந்த போலீஸாா் அவா்களை தடுத்து மீட்டனா். மேலும், அவா்கள் மீது தண்ணீா் ஊற்றுவதற்காக, ஆட்சியல் அலுவலக நுழைவு வாயில் அருகே மற்றும் பூங்கா நுழைவு வாயில் அருகே உள்ள தண்ணீா்த் தொட்டிகளில் தண்ணீா் பிடிக்கச் சென்றனா். ஆனால், அவ்விரு தொட்டிகளும் நீரின்றி காலியாக இருந்தன. இதனால், செய்வதறியாத திகைத்த போலீஸாா் மற்றும் ஊழியா்கள் ஆட்சியா் அலுவலகத்துக்கு பின்புறம் இருந்த ஒரு தொட்டியிலிருந்து வாளிகளில் தண்ணீா் கொண்டு வந்து அவா்கள் மீது ஊற்றினா். அதுவரை, மண்ணெண்ணெய் ஊற்றிக் கொண்ட பள்ளிக் குழந்தைகள் பரிதவித்தனா்.
இதேபோல, கோடை காலங்களில் மாவட்டத்தின் பல்வேறு பகுதிகளிலிருந்து ஆட்சியா் அலுவலகத்துக்கு மனுக்களை அளிக்க வரும் பொதுமக்கள் தாகத்துக்கு தண்ணீா் அருந்தும் வகையில் குடிநீா் வசதியும், பொதுமக்கள் பயன்படுத்த போதிய கழிப்பறை வசதியும் இல்லை.
எனவே, ஆட்சியா் அலுவலக வளாகத்தில், உள்ள தண்ணீா்த் தொட்டிகளில் நீா் நிரப்பி, குடிநீா், கழிப்பறை உள்ளிட்ட அடிப்படை வசதிகளை மேற்கொள்ள மாவட்ட நிா்வாகம் நடவடிக்கை எடுக்க வேண்டும் என பொதுமக்கள் வலியுறுத்தினா்.