Enable Javscript for better performance
ஒகேனக்கல் அருவிக்கு சுற்றுலாப் பயணிகள் செல்லத் தடை:சுற்றுலாப் பயணிகள் ஏமாற்றம்- Dinamani

உடனுக்கு உடன் செய்திகள்

    ஒகேனக்கல் அருவிக்கு சுற்றுலாப் பயணிகள் செல்லத் தடை:சுற்றுலாப் பயணிகள் ஏமாற்றம்

    By DIN  |   Published On : 23rd May 2022 01:29 AM  |   Last Updated : 23rd May 2022 01:29 AM  |  அ+அ அ-  |  

    may_22_boat_photo_2205chn_214_8

    தடை உத்தரவு காரணமாக ஒகேனக்கல் பரிசல் துறையில் நிறுத்தி வைக்கப்பட்டுள்ள பரிசல்கள்.

     

    ஒகேனக்கல் அருவிக்கு சுற்றுலாப் பயணிகள் செல்ல 5-ஆம் நாளாக ஞாயிற்றுக்கிழமையும் தடை விதிக்கப்பட்டது. இதனால் ஒகேனக்கல் வந்த சுற்றுலாப் பயணிகள் திருப்பி அனுப்பி வைக்கப்பட்டனா்.

    கா்நாடக மாநிலம், காவிரி நீா்ப்பிடிப்பு பகுதி, தமிழக காவிரி கரையோரப் பகுதிகளில் பெய்துவந்த தொடா் மழையின் அளவு குறைந்துள்ளதால், ஒகேனக்கல் காவிரி ஆற்றில் நீா்வரத்து சனிக்கிழமை மாலை நொடிக்கு 20,000 கன அடியாகக் குறைந்தது.

    ஞாயிற்றுக்கிழமை காலை மேலும் நீா்வரத்து 16,000 கன அடியாக குறைந்தது. இதன் காரணமாக ஒகேனக்கல் காவிரி ஆற்றில் மூழ்கியிருந்த பாறைகள் முற்றிலுமாக வெளியே தெரிகின்றன.

    சுற்றுலா வாகனங்களைத் திருப்பி அனுப்பிய போலீஸாா்:

    அண்மையில் ஒகேனக்கல்லுக்கு நீா்வரத்து அதிகபட்சமாக 50,000 கனஅடியாக இருந்த போது ஆற்றில் வெள்ளப்பெருக்கு ஏற்பட்டதால் அருவியில் குளிக்கவும் பரிசல் இயக்கவும் தருமபுரி மாவட்ட நிா்வாகம் கடந்த புதன்கிழமைமுதல் தடை விதித்திருந்தது. இந்தத் தடை உத்தரவு 5-ஆவது நாளாக ஞாயிற்றுக்கிழமையும் நீட்டிக்கப்பட்டது.

    வார விடுமுறை என்பதால் ஒகேனக்கல் நோக்கி பல்வேறு பகுதியில் இருந்து ஏராளமான சுற்றுலாப் பயணிகள் வந்தனா். ஆனால் போக்குவரத்து போலீஸாா் பென்னாகரம் அருகே மடம் சோதனைச் சாவடியில் சுற்றுலாப் பயணிகளின் வாகனங்களைத் தடுத்து நிறுத்தி திருப்பி அனுப்பினா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp