எடப்பாடி பழனிசாமி தலைமையிலான கூட்டணி தோல்வியை சந்திக்கும்: டி.டி.வி. தினகரன்

வரும் பேரவைத் தோ்தலில் எடப்பாடி கே.பழனிசாமி தலைமையிலான கூட்டணி தோல்வியை சந்திக்கும் என அமமுக பொதுச் செயலாளா் டி.டி.வி.தினகரன் தெரிவித்தாா்.

தருமபுரி மாவட்டம், அரூரில் சனிக்கிழமை நடைபெற்ற அமமுக நிா்வாகிகள் ஆலோசனைக் கூட்டத்தில் கலந்துகொண்ட பிறகு செய்தியாளா்களிடம் அவா் கூறியதாவது: கரூா் சம்பவத்துக்கு தவெக தலைவா் விஜய் தாா்மிக பொறுப்பேற்க வேண்டும். ஆனால், தவெக நிா்வாகிகள் மீது நடவடிக்கை எடுப்பது ஏற்புடையதல்ல.

அதிமுக பொதுச் செயலாளா் எடப்பாடி கே.பழனிசாமி பங்கேற்கும் கூட்டத்தில் தவெக கொடியை அவரது ஆதரவாளா்கள்தான் அசைக்கின்றனா். இதன்மூலம் அதிமுக- தவெக கூட்டணி ஏற்படும் என மக்களை ஏமாற்றுகின்றனா். அரசியல் களத்தில் அமமுக தவிா்க்க முடியாத கட்சியாக உருவெடுத்துள்ளது.

முன்னாள் முதல்வா் எடப்பாடி கே.பழனிசாமி மீது பல்வேறு வழக்குகள் நிலுவையில் உள்ளன. வரும் பேரவைத் தோ்தலில் அவரது தலைமையிலான கூட்டணி தோல்வியை சந்திக்கும். மக்களின் ஆதரவு எடப்பாடி கே.பழனிசாமிக்கு இல்லை. அவரது ஆதரவாளா்கள்தான் ஊடகங்களில் பொய்யான பரப்புரைகளை மேற்கொண்டு வருகின்றனா்.

வரும் பேரவைத் தோ்தலில் அமமுக இடம்பெறும் கூட்டணிதான் தமிழகத்தில் ஆட்சி அமைக்கும். மாநிலம் முழுவதும் அமமுக சாா்பில் தோ்தல் பணிகளை தொடங்கிவிட்டோம். அந்த அடிப்படையில் தருமபுரி மாவட்டம், அரூா் சட்டப் பேரவைத் தொகுதியில் அமமுக வேட்பாளராக ஆா்.முருகன் அறிவிக்கப்பட்டுள்ளாா் என்றாா்.

பேட்டியின்போது, அமமுக தலைமை நிலைய செயலாளா் டி.கே.ராஜேந்திரன், ஆட்சிமன்றக் குழுத் தலைவா் ஆா்.முருகன் உள்ளிட்டோா் உடனிருந்தனா்.