பர்கூரில் மாற்றுத்திறன் குழந்தைகளுக்கு மருத்துவ முகாம்

பர்கூரில் மாற்றுத்திறன் குழந்தைகளுக்கு சிறப்பு மருத்துவ முகாம் வெள்ளிக்கிழமை நடைபெற்றது.

பர்கூர் வட்டார வள மையத்தில் நடைபெற்ற இந்த சிறப்பு மருத்துவ முகாமை உதவித் திட்ட அலுவலர் மோகன் தொடக்கிவைத்தார்.

வட்டார வளமைய மேற்பார்வையாளர் ரங்கநாதன் தலைமை வகித்தார். உதவி தொடக்கக் கல்வி அலுவலர் சம்பத், கூடுதல் உதவி தொடக்கக் கல்வி அலுவலர் ஜோஸ்பின்மேரி ஆகியோர் முன்னிலை வகித்தனர்.

முகாமில், சிறப்பு மருத்துவர்கள் அடங்கிய குழு மாணவ, மாணவிகளை பரிசோதித்து உதவி உபகரணங்கள் பெற பரிந்துரை செய்தனர்.

36 பேருக்கு தேசிய அடையாள அட்டையும், 232 பேருக்கு கல்வி உதவித்தொகை விண்ணப்பங்களும் வழங்கப்பட்டன.