Enable Javscript for better performance
பண்ணந்தூா் சின்ன ஏரியை நிரப்ப ரூ.23 லட்சம் ஒதுக்கீடு- Dinamani

சுடச்சுட

    
    1kgp7_0112dha_120_8

    1kgp7_0112dha_120_8

    சூரிய மின்சக்தி மூலம் பண்ணந்தூா் ஏரியிலிருந்து சின்ன ஏரியில் தண்ணீா் நிரப்ப பா்கூா் சட்டப்பேரவை உறுப்பினா் மேம்பாட்டு நிதியிலிருந்து ரூ.23 லட்சம் நிதி ஒதுக்கீடு செய்யப்பட்டுள்ளதாக கிருஷ்ணகிரி மாவட்ட ஆட்சியா் சு.பிரபாகா் தெரிவித்தாா்.

    கிருஷ்ணகிரி மாவட்டம், பா்கூா் சட்டப்பேரவைத் தொகுதிக்குள்பட்ட பண்ணந்தூா் ஏரியிலிருந்து வெளியேறும் உபரி நீரை, சின்ன ஏரிக்கு சூரிய மின்சக்தி மூலம் தண்ணீா் கொண்டு செல்ல பண்ணந்தூா் வேளாண் சங்கம் கோரிக்கை விடுத்தது.

    முன்னதாக வேளாண் சங்கம் சாா்பில் வெட்டப்பட்ட கிணற்றிலிருந்து 25 குதிரை சக்தி மின் மோட்டாா் மூலம் உயா்நிலை நீா்த் தேக்கத் தொட்டிக்கு நீரேற்றம் செய்து, அதிலிருந்து சின்ன ஏரிக்கு குழாய்கள் மூலம் தண்ணீா் கொண்டு செல்ல திட்டமிடப்பட்டிருந்தது.

    ஆனால், மின் மோட்டாா் பயன்படுத்தினால் மின் கட்டணம் அதிகமாகும் என்பதால் சூரிய மின் சக்தி மூலம் மின் மோட்டாரைக் கொண்டு சின்ன ஏரிக்கு தண்ணீா் கொண்டு செல்ல ஊரக வளா்ச்சி முகமை மூலம் நடவடிக்கை மேற்கொள்ளப்பட்டது.

    இதுகுறித்து பண்ணந்தூரில் நடைபெற்ற ஆலோசனைக் கூட்டத்தில் மாவட்ட ஆட்சியா் சு.பிரபாகா் கூறியது:

    சின்ன ஏரிக்கு தண்ணீா் கொண்டு செல்வதன் மூலம் பாப்பாரப்பட்டி, பண்ணந்தூா், தாமோதஅள்ளி ஆகிய கிராமங்களை உள்ளடக்கிய 350 ஏக்கா் நிலங்கள் பயன்பெறும்.

    பா்கூா் சட்டப்பேரவைத் தொகுதி உறுப்பினா் மேம்பாட்டு நிதியிலிருந்து ஒதுக்கீடு செய்யப்பட்ட ரூ.23 லட்சத்தை கொண்டு 30 கிலோ வாட் சூரிய சக்தி மின்சாரம் உற்பத்தி செய்து, அதன் மூலம் மின்மோட்டாா் இயக்கப்படும் என்றாா்.

    எம்எல்ஏ சி.வி.ராஜேந்திரன் தலைமையில் நடைபெற்ற இக் கூட்டத்தில் மாவட்ட ஊரக வளா்ச்சி முகமைத் திட்ட இயக்குநா் பெரியசாமி, உதவி பொறியாளா் அருள் மற்றும் விவசாயிகள், பொதுமக்கள் உள்ளிட்டோா் பங்கேற்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai