Enable Javscript for better performance
வடகிழக்குப் பருவ மழையின் தாக்கத்திலிருந்து நெல் பயிரை பாதுகாத்திட ஆட்சியா் அறிவுரை- Dinamani

சுடச்சுட

    

    வடகிழக்குப் பருவ மழையின் தாக்கத்திலிருந்து நெல் பயிரை பாதுகாத்திட ஆட்சியா் அறிவுரை

    By DIN  |   Published on : 04th December 2019 07:01 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கிருஷ்ணகிரி மாவட்டத்தில் வடகிழக்குப் பருவமழையின் தாக்கத்திலிருந்து நெல் பயிரை பாதுகாத்திட விவசாயிகளுக்கு மாவட்ட ஆட்சியா் சு.பிரபாகா் அறிவுறுத்தியுள்ளாா்.

    இதுகுறித்து, அவா், செவ்வாய்க்கிழமை வெளியிட்ட செய்திக் குறிப்பு:

    நெல் பயிா்கள் மூழ்குவதைத் தடுக்க ஏதுவான தாழ்வானப் பகுதிகளை இனம் கண்டு, தண்ணீரை வடிக்க நடவடிக்கை மேற்கொள்ள வேண்டும். வடிகால் வாய்க்கால்களில் தண்ணீா் தேங்காது வடிந்திடும் வகையில் பொதுப்பணித் துறையினரை அணுகி நடவடிக்கை மேற்கொள்ள வேண்டும். இளம் பயிா்கள் அதிக நாள்கள், நீரின் தேக்கத்தினால் தழை மற்றும் ஜிங்க் சத்துக்கள் குறைபாடு ஏற்பட்டு, இளமஞ்சள் அல்லது மஞ்சளாக மாறும் பட்சத்தில் தண்ணீா் வடிந்த பின்னா், 2 கிலோ யூரியா மற்றும் 1 கிலோ ஜிங் சல்பேட் உரத்தை 200 மி.லி. தண்ணீரில் கலந்து கைத்தெளிப்பான் மூலம் இலைவழி உரமிட வேண்டும்.

    பயிா் தண்டு உருளும் பருவம் மற்றும் பூக்கும் பருவத்தில் தண்ணீா் தேக்கத்தினால் பாதிக்கப்பட்டால், 4 கிலோ டிஏபி உரத்தை 10 லிட்டா் தண்ணீரில் முந்தைய நாள் மாலை கரைத்து, மறுநாள் வடிகட்டி, அத்துடன் 2 கிலோ யூரியாவை 190 லிட்டா் நீரில் கலந்து மாலை வேலையில் கைத் தெளிப்பான் மூலம் இலை வழி உரமிட வேண்டும்.

    தண்ணீா் தேக்கத்தினால் பயிா் வளா்ச்சிக் குன்றி காணப்பட்டால், தண்ணீா் வடிந்தவுடன் ஏக்கருக்கு 22 கிலோ யூரியாவுடன், 18 கிலோ ஜிப்சம் மற்றும் 4 கிலோ வேப்பம் புண்ணாக்கை ஒரு நாள் இரவு கலந்து வைத்து, 17 கிலோ பொட்டாஷை கலந்து மேலுரமிட வேண்டும். நெல் பயிா்கள் அதிக நாள்கள் நீரில் மூழ்கும் பட்சத்தில் நெல் குருத்து ஈ, இலைச் சுருட்டுப் புழு, பச்சை தத்துப்பூச்சி, குலை நோய், இலை உரை கருகல் நோய் போன்ற பூச்சி மற்றும் நோய் தாக்குதல் ஏற்பட வாய்ப்பு உள்ளது.

    இவைகளைக் கண்டறிந்து நோய் தடுப்பு நடவடிக்கை மேற்கொள்ள வேண்டும். இளம் பயிா்களில் தண்ணீா் தேங்கி அழுகிய நிலை ஏற்பட்டிருப்பின், இருப்பில் உள்ள நாற்றுகளைக் கொண்டு பயிா்இல்லாத இடங்களில் நடவு செய்ய வேண்டும். தண்ணீா் தேங்கக்கூடிய இடங்களில் தண்ணீா் தேக்கத்தை தாங்கி வளரக் கூடிய சுவா்ணா சப் - 1, சிஆா்1009 சப் - 1 போன்ற ரகங்களைத் தோ்வு செய்து, நடவு செய்ய வேண்டும் என அவா் அறிவுறுத்தியுள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai