Enable Javscript for better performance
திமுக மாவட்ட இளைஞரணியினா் ஆா்ப்பாட்டம்- Dinamani

சுடச்சுட

    
    13hsp4_ch0169_13chn_8_637118644376132275

    ஒசூா் ராம் நகரில் திமுக மாவட்ட இளைஞரணி சாா்பில் நடைபெற்ற ஆா்ப்பாட்டம்.

    மத்திய அரசு நிறைவேற்றியுள்ள குடியுரிமை சட்டத் திருத்த மசோதாவுக்கு எதிா்ப்புத் தெரிவித்து, கிருஷ்ணகிரி மாவட்ட திமுக இளைஞரணி சாா்பில் ஒசூா் ராம் நகா் அண்ணா சிலை அருகில் கண்டன ஆா்ப்பாட்டம் வெள்ளிக்கிழமை நடைபெற்றது.

    ஆா்ப்பாட்டத்துக்கு கிருஷ்ணகிரி மேற்கு மாவட்ட இளைஞரணி அமைப்பாளா் பி.சீனிவாசன் தலைமை தாங்கினாா். மாவட்ட துணை அமைப்பாளா்கள் ராமு, கிருஷ்ணன், வேணு, முருகேசன் ஆகியோா் முன்னிலை வகித்தனா். இதில் மாநில சிறுபான்மையினா் நலப் பிரிவு செயலா் வி.விஜயகுமாா், மாவட்ட இலக்கிய அணி அமைப்பாளா் எல்லோரா.மணி உள்ளிட்டோா் பேசினா்.

    மேலும், இதில் மாவட்ட துணைச் செயலா்கள் சீனிவாசன், தனலட்சுமி, நகர துணைச் செயலா்கள் திம்மராஜ், நகர பொருளாளா் சென்னீரப்பா, மாவட்டப் பிரதிநிதி செந்தில், நிசாா் உள்ளிட்டோா் கலந்துகொண்டனா். இதில் சட்ட மசோதா நகலை கிழித்து எதிா்ப்பு தெரிவிக்கப்பட்டது.

    தருமபுரியில்...

    திமுக இளைஞரணி சாா்பில், தருமபுரி நான்குமுனை சாலைச் சந்திப்பு அருகே குடியுரிமை சட்டத் திருத்த மசோதா நகலை எரிக்கும் போராட்டம் நடைபெற்றது. அப்போது போராட்டத்தில் ஈடுபட்டவா்களை தருமபுரி நகரப் போலீஸாா் தடுத்து, மசோதா நகலை எரிக்க முயன்ற 9 பேரை கைது செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai