மாணவிக்கு பாலியல் தொந்தரவு: பள்ளி நிா்வாகி கைது

ஒசூரில் மாணவிக்கு பாலியல் தொந்தரவு அளித்ததாக பள்ளி நிா்வாகியை போலீஸாா் கைது செய்தனா்.

ஒசூா் ராயக்கோட்டை சாலையில் உள்ள சாா்நிலைக் கருவூலம் அருகில் தனியாா் மெட்ரிக். பள்ளி இயங்கி வருகிறது. இந்த பள்ளியில் குருதத் (61) என்பவா் நிா்வாகியாக உள்ளாா். இந்த நிலையில் ஞாயிற்றுக்கிழமை பள்ளியில் நடந்த கையெழுத்து சிறப்புப் பயிற்சிக்கு வேறொரு தனியாா் பள்ளியில் இருந்து, 10 வயதான 5-ஆம் வகுப்பு மாணவி வந்துள்ளாா்.

இந்த நிலையில் அந்த மாணவி, பள்ளி நிா்வாகி அறைக்கு கையெழுத்து வாங்குவதற்காக சென்றுள்ளாா். அப்போது, மாணவிக்கு பள்ளி நிா்வாகி குருதத் பாலியல் தொந்தரவு அளித்துள்ளாா். அவரிடம் இருந்து தப்பி வந்த மாணவி இது குறித்து தனது பெற்றோரிடம் கூறியுள்ளாா். இதையடுத்து அவா்கள் ஒசூா் அனைத்து மகளிா் காவல் நிலையத்தில் புகாா் செய்தனா்.

அதன் பேரில் மகளிா் காவல் நிலைய ஆய்வாளா் சசிகலா விசாரணை நடத்தி, குருதத்தை கைது செய்தாா். அவா் மீது போக்சோ சட்டப் பிரிவின் கீழ் போலீஸாா் வழக்குப்பதிவு செய்துள்ளனா்.