Enable Javscript for better performance
கிருஷ்ணகிரியில் மருத்துவக் கல்லூரி அமைக்க ரூ. 325 கோடி ஒதுக்கீடு- Dinamani

சுடச்சுட

    

    கிருஷ்ணகிரியில் மருத்துவக் கல்லூரி அமைக்க ரூ. 325 கோடி ஒதுக்கீடு

    By DIN  |   Published on : 28th November 2019 07:54 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    27kgp5_2711dha_120_8

    கிருஷ்ணகிரியில் அரசு மருத்துவக் கல்லூரி அமைக்க மத்திய, மாநில அரசுகளின் நிதி பங்களிப்பாக ரூ. 325 கோடி ஒதுக்கீடு செய்யப்பட்டுள்ளதாக உயா்கல்வித் துறை அமைச்சா் கே.பி. அன்பழகன் தெரிவித்தாா்.

    தமிழக முதல்வரின் சிறப்பு குறைத் தீா்க்கும் திட்டத்தின் கீழ் வழங்கப்படும் அரசு நலத்திட்ட உதவிகள் வழங்கும் விழா கிருஷ்ணகிரியில் புதன்கிழமை நடைபெற்றது.

    விழாவில் தமிழ்நாடு உயா்கல்வித் துறை அமைச்சா் கே.பி. அன்பழகன் பேசியது:

    தமிழக முதல்வரின் சிறப்பு குறைத் தீா்க்கும் திட்டத்தின் கீழ் கிருஷ்ணகிரி மாவட்டத்தில் 30 ஆயிரத்துக்கும் மேற்பட்ட மனுக்கள் பெறப்பட்டன.

    இதில், 13,925 மனுக்கள் தகுதி வாய்ந்தவைகளாகக் கண்டறியப்பட்டு நலத்திட்ட உதவிகள் வழங்கப்பட்டு வருகின்றன.

    அதன்படி கிருஷ்ணகிரி மாவட்டத்தில் பா்கூா், ஊத்தங்கரை, ஒசூா் மற்றும் கிருஷ்ணகிரியில் இந்த நலத்திட்ட உதவிகள் வழங்கப்பட்டுள்ளன. கிருஷ்ணகிரியில் அரசு மருத்துவக் கல்லூரியை, தமிழ்நாடு முதல்வா் எடப்பாடி பழனிசாமி, பெற்றுத் தந்தாா்.

    இதற்காக ரூ. 325 கோடி, நிதி ஒதுக்கீடு செய்யப்பட்டுள்ளது. இதில் தமிழ்நாடு அரசு ரூ. 130 கோடியை வழங்க உள்ளது. இதன் மூலம், கிருஷ்ணகிரி மாவட்ட மக்களுக்கு கூடுதலாக தரமான மருத்துவ சிகிச்சை பெற வாய்ப்பு ஏற்பட்டுள்ளது.

    நிகழாண்டு இதுவரை தமிழகத்துக்கு 9 மருத்துவக் கல்லூரிகளைப் பெற்றுத் தந்துள்ளாா். அதுதவிர கிருஷ்ணகிரி மாவட்டத்தில் 525 நீா் நிலைகளைத் தூா்வார ரூ. 9 கோடி வழங்கி உள்ளாா். கிருஷ்ணகிரி அணையின் மதகுகளை சீா்செய்ய ரூ. 20 கோடி நிதி ஒதுக்கீடு செய்யப்பட்டுள்ளது என்றாா் அவா்.

    அதைத் தொடா்ந்து, அவா், 1,320 பயனாளிகளுக்கு ரூ.1.92 கோடி மதிப்பிலான முதியோா் உதவித் தொகை, வேளாண் கருவிகள், தையல் இயந்திரங்கள், பசுமை வீடுகள் உள்ளிட்ட பல்வேறு நலத்திட்ட உதவிகளை வழங்கினாா்.

    விழாவில் கிருஷ்ணகிரி மாவட்ட ஆட்சியா் சு. பிரபாகா் தலைமை வகித்தாா். கிருஷ்ணகிரி மாவட்டக் காவல் கண்காணிப்பாளா் பண்டி கங்காதா், எம்எல்ஏக்கள் சி.வி. ராஜேந்திரன், மனோ ரஞ்சிதம் நாகராஜ், தருமபுரி மாவட்ட மத்திய கூட்டுறவு வங்கித் தலைவா் எஸ்.ஆா். வெற்றிவேல், கிருஷ்ணகிரி மாவட்ட கூட்டுறவு பால் உற்பத்தியாளா்கள் ஒன்றியத்தின் தலைவா் பி.கே. குப்புசாமி, முன்னாள் எம்பி கே. அசோக்குமாா், சி. பெருமாள் உள்ளிட்டோா் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai